
Gunay: Deng bidin dengê kolanan 

2022-02-10 13:24:19


	ENQERE - Berdevka HDP'ê Ebrû Gunay, diyar kir ku Pirsgirêka Kurd û pirsgirêka aboriyê bi hev ve girêdayî ye û xwest ku desthilat guh bide dengê kolanan. &nbsp; &nbsp;

	&nbsp;

	Berdevka HDP'ê Ebrû Gunay, li Navenda Giştî ya HDP'ê civîneke çapameniyê li dar xistin û mijarên di rojevê de nirxand.&nbsp;

	

	&nbsp;

	Gunay, geşedanên aboriyê bi bîr xist û destnîşan kir ku Pirsgirêka Kurd û pirsgirêka aboriyê bi hev ve girêdayî ye û wiha got: "neyartiye li hemberî kurdan çiqas zêde dibe rewşa aboriya Tirkiyeyê jî ewqas xirab dibe. Têkiliya helwesta li hemberî kurdan û rewşa aboriyê bi hev ve girêdayî ye. Rewşa aboriyê li Tirkiyeyê tu carî ewqas xirab nebûye. Ji ber ku enflasyon, zam, xizanî û belengazî her ku diçe zêdetir dibe. Ev jî bi politiqayên desthilatdarên Tirkiyeyê ve girêdayîne. Êdî herkes dizane û dibîne ku AKP û MHP vî welatî nikarin bi rê ve bibin. Ji ber vê yekê qeyrana aborî roj bi roj kûrtir dibe, xizanî û belangazî girantir dibe."&nbsp;

	&nbsp;

	'GUH BIDIN KOLANAN'

	&nbsp;

	Di berdewamê de Gunay, destnîşan kir ku berteka li dijî zeman a gel mezintir dibe û têkildarî mijarê ev tişt anîn ziman: "Herî dawî li Bazîdê, Qoserê, Geverê, Erganî, Riha, Îzmir, Antalya û li her deverê Tinrkiyeyê li hemberî vê şêlandinê gelênTirkiyeyê bertêk nîşan dan. Li kolanan dengê xwe bilind kirin û gotin ku dizî heye û xwestin ku hikûmet îstifa bike. Ev daxwaz gelek bi wate ye û divê hikûmet vê deng û bangewaziyê bibîne, pêwistiya wî bi cîh bîne. Divê daxwazên gel bibihîze û li gor wî tevbigere. Em dizanin li cihê ku edalet, wekhevî, azadî tunebe îdareyek demokratîk jî tuneye. Pirsgirêkên vî welatê kurtir dibin. Pirsgirêkên aborî jî mezin dibin. Em cardin bang dikin; gûh bidin dengê kolanan, gûh bidin dengê gel, daxwaza wan ji bo pêşeroja Tirkiyeyê pêwîst e."

	&nbsp;