
Beştaş: Armanca rênedana medyayê krîmînalîzekirina HDP’ê ye   

2020-06-18 14:58:19


	ENQERE – Wekîla Serokê Koma HDP’ê Meral Daniş Beştaş diyar kir ku li ser partiya wan 5 sal in bi awayek sîstematîk rênedana medyayê heye û got: “Ji bo ku HDP’ê tesfiyekirin û krîmînalîze bikin polîtîkayek weşanê birêve dibin.”&nbsp;

	Wekîla Serokê Koma HDP’ê Meral Daniş Beştaş tevî parlementerên partiya xwe li ber Meclîsê daxuyanî da çapemeniyê û mijarên di rojevê de nirxand.&nbsp;

	&nbsp;

	Beştaş bi “Meşa Demokrasiyê” ya partiya xwe dest bi axaftina xwe kir û da zanîn ku tevî hemû astengî, êriş û qedexeyan jî bi hemû coş û biryardarî didome û meşvanan û têkoşerên demokrasiyê silav kir.&nbsp;

	&nbsp;

	‘ÎQTÎDAR NIKARE PÊVAJOYÊ BIRÊVE BIBE’&nbsp;

	&nbsp;

	Beştaş destnîşan kir ku îqtîdar nikare pêvajoya vîrûsa koronayê birêve bibe û bang li îqtîdarê kir ku bi awayek cidî nêz bibe û kêmasiyên tevdîran ji holê rake. Beştaş anî ziman kul i gorî daneyên fermî li girtîgehan 452 kes bi koronayê ketine û her çiqas were gotin 374 kes baş bûne jî lê ev rastiyê nade nîşandan.&nbsp;

	&nbsp;

	‘5 SAL IN RÊNEDANÊ LI SER HDP’Ê DISEPÎNIN’ &nbsp;&nbsp;

	&nbsp;

	Beştaş li ser mijara rênedana çapemeniya tirk a li ser HDP’ê ku ev demeke di rojevê de tê gengeşekirin rawestiya û wiha got: “5 sal in bi awayek sîstematîk sansûr li ser HDP’ê tê sepandin. Ez dibêjim sîstematîk çimkî di vê mijarê de hatiye axaftin, gengeşekirin, nirxandin û biryar hatiye dayîn. Di vî resmî de têkiliya Cîner, Demîroren, Turkûaz, Çalik û îqtîdarê pir zelal e û li holê ye. Têkiliya razemeniya navbera wan jî diyar e. Her roj bi şev û roj wek organên weşana AKP’ê şaş û rast çi be dibêjin û diweşînin. Ne hewceye mirov bêje ku ev sûcê qanûna bingehîn e. Çimkî em di serdemek bê qanûna bingehîn de dijîn. Mafê wergirtina nûçeyan a gel tê binpêkirin. HDP tê gengeşekirin û axaftin lê em li wir tune ne! Medyayê bi xwe eşkere kir. Dibêjin ‘em tercîh dikin.’ Tu rastiya vê hêcetê nîne. Di &nbsp;televîzyonek taybet de nikarin bêjin ku em HDP’iyan dernaxin ser ekranên xwe.&nbsp;

	&nbsp;

	Armanca vê rênedana sîstematîk ew e ku HDP’ê krîmînalîze û tesfiye bikin. Ji wan re tê gotin dê 24 saetan AKP were dîtin. Wek organên AKP’ê weşanê d ikin. Rêgezên bêaliyê li ber çavan bigirin nexwê hûnê jî bi AKP’ê re werin paqijkirin.”&nbsp;

	&nbsp;

	‘PEREYÊ WELAT JI BO ŞER TÊ XERCKIRIN’&nbsp;

	&nbsp;

	Beştaş bal kişand ser aboriya Tirkiyê û got: “Li derveyî sînor operasyonên eskerî pêk tînin. Lê feqîrî û birçîbûna li Tirkiyê nabînin. Resmê hêjariyê di rewşek xeternak de ye. Însan li dijî vîrûsa koronayê têdikoşin lê aborî ango pereyê welat hemû li ser bombeyan, S-400 û rabûna balafiran tê xerckirin. Di bin navê ewlehiyê de 40 sal in heman karî dikin û heman encamê digirin.”&nbsp;

	&nbsp;

	&nbsp;

	&nbsp;

	&nbsp;

	&nbsp;