
Aydenîz: Li dijî êrişan bersiva herî mezin yekîtiya neteweyî ye 

2020-06-16 10:40:35


	WAN – Hevserok Giştî ya DBP’ê Salîha Aydenîz êrişên li dijî Mexmûr, Şengal û Qendîlê nirxand û got: “Dijminatiya sed salî ya li hemberî gelê kurd e. Bersiva herî mezin a li dijî êrişan sazkirina yekîtiya neteweyî ye.”&nbsp;

	Hevseroka Giştî ya Partiya Herêmên Demokratîk a (DBP) Salîha Aydenîz êrişên balafirên şer ên Tirkiyê yên li dijî Şengal, Mexmûr û Qendîlê nirxand û bertek nîşanî êrişan da.&nbsp;

	&nbsp;

	‘CIVAK HEMÛ TÊ TECRÎTKIRIN’&nbsp;

	&nbsp;

	Aydenîz anî ziman ku Tirkiye di polîtîkaya dijminantiya kurdan de israr dike û got: “Her tişt ji tecrîtkirina Birêz Abdullah Ocalan dest pê dike. Tecrîtkirina Ocalan di heman demê de tecrîtkirina hemû civakê ye.”&nbsp;

	&nbsp;

	Aydenîz bi bîr xist ku dîroka Tirkiyê bi darbeyan tije ye û roja îro jî darbeyek siyasî di dewrê de ye. Aydenîz da zanîn ku li Tirkiyê darbeya siyasî tê kirin û îradeya gel tê desteserkirin, li Rojava jî axa kurdan tê dagirkirin û Tirkiye îro jî dixwaze axa Şengal, Mexmûr û Qendîlê dagir bike û vê yekê wek dijminatiya kurdan pênase kir.&nbsp;

	&nbsp;

	‘WÊ ÊRIŞ DAWIYA WAN BÎNIN’&nbsp;

	&nbsp;

	Aydenîz anî ziman ku êrişa hewayî ya li dijî Başurê Kurdistanê li dijî sivîlan pêk hatiye. Aydenîz diyar kir ku li dijî kurdan di êrişan de sînor nas nakin û li her deverê Kurdistanê nêzîkatiya Tirkiyê heman in û ji berk u Tirkiye ji demokrasiyê ditirse niha jî êrişî deverên kurdan dikin. Aydenîz da zanîn ku êrişên li dijî Mexmûr, Şengal û Qendîlê didin xuya kirin ku îqtîdar nikare welat birêve bibin û dê ev êriş dawiya îqtîdarê bînin. Aydenîz destnîşan kir ku ew ê li dijî zext, zordestî û êrişan têkoşîna xwe bênavber bidomînin.&nbsp;

	&nbsp;

	‘BERSIVA ÊRIŞAN YEKÎTIYA KURDAN’

	&nbsp;

	Aydenîz li dijî êrişên Tirkiyê yên esmanî û bejahî bal kişand ser yekîtiya neteweyî ya kurd û wiha got: “Em dîsa bêjin di dijminatiya kurdan de sînor nas nakin. Kurdan li ku destkeftiyek xwe bi dest xistibe Tirkiye diçe êrişî wir dike û tune dike. Ji bo vê yekê pêwîste em yekîtiya neteweyî ya kurd ava bikin. Bersiva herî xurt a li dijî êrişan avakirina yekîtiya kurd e. Îro li çar parçeyên Kurdistanê yekîtî ava nebe, wê êriş zêdetir bibin û wê êrişî destkeftiyên me bikin. Li dijî êrişên hegemonan bersiva mezin yekîtî ye. DBP bang li tevahiya gelê kurd dike; werin em bibin yek û li dijî van bisekinin.”&nbsp;

	&nbsp;