Rojnamevan Dal ji girtîgehê derket: Em ê her tim li ser tecrîdê binivîsin 

2024-05-21 23:19:47


	 

	STENBOL – Rojnamevan Esra Solîn Dal ku nêzî 25 rojan di bin tecrîdê de ma, diyar kir ku ew ê tim binivîsin ku li welêt tecrîd heye û got: "Çapemeniya Azad nayê bêdengkirin." 

	 

	Nûçegihana Ajansa Mezopotamyayê (MA) Esra Solîn Dal ku di 26'ê Nîsanê de li Stenbolê hat girtin, ji Girtîgeha Jinan a Bakirkoyê derket. 

	 

	Xizmên Dalê, parêzerên wê û rojnamevanan Dalê li ber girtîgehê pêşwazî kirin. Dal gava ji girtîgehê derket, li vir kurteaxaftinek kir. Dalê bal kişand ser zextên li ser Çapemeniya Azad û got ku ji ber nûçeyên xwe yên der barê tecrîdê û jinan de hatiye girtin.

	 

	Dalê diyar kir ku ew ê tim binivîsin ku li welêt tecrîd heye û got: "Çapemeniya Azad nayê bêdengkirin."