
Polîsan êrişî çalakiya Peymana Stenbolê kir: Tundî li jinan û rojnamevanan hat kirin 

2022-07-26 15:37:13


	ENQERE - Polîsan êrişî çalakiya jinên KESK’ê ya têkildarî Peymana Stenbolê kirin. Polîsan heqaret li jinan kirin û tundiyê jî li rojnamevanan kirin.&nbsp;

	&nbsp;

	Platforma Jinan a Konfedarasyona Sendîkayên Kedkarên Camaweriyê (KESK) a Şaxên Enqereyê têkildarî biryara Şûreya Dewletê ya derbarê Peymana Stenbolê de xwestin li Qada Sakaryaya Enqereyê daxuyanî bidin. Polîsan beriya daxuyaniyê qad dorpêç kir.&nbsp;

	&nbsp;

	TUNDÎ LI ROJNAMEVANAN HAT KIRIN&nbsp;

	&nbsp;

	Polîsan destûr neda daxuyaniya jinan. Her wiha polîsan destûr neda ku rojnamevan daxuyaniyê bişopînin û dîmenan bigirin. Polîsan rojnamevanan daf da û bi mile nûçegihana PÎRHA’yê Melîs Cîddioglu girtin û wê avêtin erdê. Polîsan tundiyê li kameramanê Arti TV Kadîr Devîr û nûçegihana Ajansa Mezopotamyayê Emel Vûral kirin.&nbsp;

	&nbsp;

	MEŞ LI DAR XISTIN&nbsp;

	&nbsp;

	Jinan ji Qada Sakaryayê bi berzkirina dirûşman heta avahiya KESK’ê ya li Cadeya Selanîkê meşiyan. Hevseroka Giştî ya KESK’ê Şukran Kaplan têkildarî tundî û astengiya polîsan daxuyaniyek kurt da û tundî û astengiyê şermezar kir.&nbsp;

	&nbsp;

	&nbsp;