
Doza Aleyna Çakır: Li xwe mikurhatina derbkirinê 

2021-02-25 16:35:15


	&nbsp;

	ENQERE – Bersûcên doza Aleyna Çakir, Umîtcan Ûygûn û heval wî Enes Ozdemîr ku weke şahid &nbsp;hat guhdarkirin, li xwe mikur hatin ku Çakir hatiye derpkirin.&nbsp;

	&nbsp;

	Umîtcan Ûygûn, beriya ku Sema Esen a bi navê Aleyna Çakir tê nasîn di 3’ê Hezîrana 2020’an de bi awayekî guman jiyana xwe ji dest bide, bi zorê ketibû mala Çakir. Ji ber vê bi sûçdariya “Gef û binpêkirina destnedayîna avahiyê” doz li Ûygûn hatibû vekirin. Danişîna yekemîn a dozê li 17’emîn Dadgeha Ceza ya Esliyeyê hat dîtin. Dayika Çakir Hatûn Esen, bavê wê Mehmet Esen, kekê wê Hîmmet Esen û parêzerê malbatê, parêzerê Platforma Em ê Cînayetan Rawestînin, parêzerê Wezareta Xizmetên Civakî, Xebat û Malbatê, Seroka Milên Jinan a CHP’ê ya Enqereyê û gelek jin tevlî danişînê bûn.&nbsp;

	&nbsp;

	LI XWE MIKÛR HATIN

	&nbsp;

	Bersûc Ûmîtcan Ûygûn ku ji bikaranîn û li ser gerandina hişbirê girtî ye, ji Girtîgeha Tîpa T a Hejmara 1 Sîncanê bi SEGBÎS’ê tevlî danişînê bûn. Umîtcan Ûygûn û heval xwe Enes Ozdemîr ku weke şahid &nbsp;hatin guhdarkirin, li xwe mikur hatin ku Çakir hatiye derpkirin.&nbsp;

	&nbsp;

	DANIŞîN TALOQ BÛ

	&nbsp;

	Piştî van mikurhatinan parêzerên malbata Çakir, xwestin ku sûca hewldana kuştinê bê qebûlkirin û bi sûcdariya “birîndarkirina bi hîssên hovane” darizandin pêk were. Heyeta dadgehê daxwazên parêzeran red kir û biryar da ku qeydên HTS’ê bên guhdarîkirin û danişînê taloqî 28’ê gulanê kir.&nbsp;

	&nbsp;

	XWESTIN CÎNAYETÊN JINAN RAWESTIN&nbsp;

	&nbsp;

	Piştî danişînê malbata Çakir û parêzerên xwe li ber edliyeyê daxuyanî dan. Dayika Çakir Hatûn Esen û bavê wê Mehmet Esen destnîşan kirin ku wê doza keça xwe bişopînin û xwestin ku cînayetên jinan bên rawestandin.&nbsp;

	&nbsp;