
Cenazeyê Mûrat Hantaş spartin axê 

2020-06-12 10:34:56


	&nbsp;

	AMED - Cenazeyê Mûrat Hantaş ê li Amedê di dema xurde kom dikirin de hat kêrkirin, spartin axê.

	&nbsp;

	Cenazeyê Mûrat Hantaş ê pêr bi şev li nêzî Parka Sumer a Taxa Şehîtlîkê ya navçeya Yenîşehîr a Amedê hat kuştin piştî otopsiya li Nexweşxaneya Dewletê ya Selahaddîn Eyyûbî hat kirin, di saetên şevê de birin Goristana Yenîkoyê û spartin axê. Mûrat Hantaş ê di saetên şevê de hat veşartin, gelek kes û xizmên wî beşdarî merasîma cenazeyê wî bûn.&nbsp;

	&nbsp;

	POLÎSAN LI HEMAN CIHÎ BIRAYÊ WÎ KUŞTIBÛN

	&nbsp;

	Birayê Mûrat Hantaş ê pêr bi şev hat kuştin Recep Hantaş jî di 14’ê Nîsana 2019’an de, di dema xurde kom dikirin de, li Parka Sumer a Taxa Şehîtlîkê ya navçeya Yenîşehîr ji aliyê polîsan ve hatibû kuştin.&nbsp;

	&nbsp;

	Polîs K.B. ê hat îdîakirin ku Hantaş kuştiye û hatibû girtin, li ser îtîraza parêzeran di 24’ê Gulana 2019’an hatibû berdin. &nbsp;

	&nbsp;

	Li gel ku 14 meh bi ser kuştina Recep Hantaş re derbas bûn jî, heya niha derbarê polîs K.B. ê Hantaş kuşt de, tu îdîanameyek nehatiye amedekirin.&nbsp;

	&nbsp;