Berpirsê êrişên li Kobanê û Şengalê yê DAIŞ’î hat girtin 

2020-05-21 13:39:22


	NAVENDA NÛÇEYAN - Hêzên ewlekariyê yên Iraqê ragihandin ku wan kesekî tê gotin şefê nû yê DAIŞ'ê ye girtin e. Tê gotin ev DAIŞ’î êrişên li dijî Şengal û Kobanê bixwe organîze kiriye.

	Hêzên ewlekariyê yên Iraqê ragihandin ku wan kesekî tê gotin şefê nû yê DAIŞ'ê ye girtin e.Ev îdia ji aliyê Sky News Arabîa ve hate belavkirin. Lê belê ev agahî piştre ji aliyê ajansa nûçeyan a Iraqê û televîzyona dewletê ve jî hate piştastkirin. Lê belê rayedaran hîn daxuyaniyek nedane.

	 

	Berpirsyarên servîsên îstîxbaratê yên Iraqê meha çileyê agahî dabûn rojnameya The Gûardîanê û piştrast kiribûn ku şefê nû yê çeteyên DAIŞ'ê Abdul Nasir Qardaş e. Heman çavkaniyan diyar kiribûn ku navê rastî yê serçete Emîr Mûhammed Abdulrahman El Mewla El Selbî ye.

	 

	Beriya rojnameya The Gûardîanê, ANF’ê eşkere kiribû ku lîderê nû yê DAIŞ'ê Qardaş e. Ev agahî piştre ji aliyê servîsên îstîxbaratê û medya rojavayî ve hatibû piştrastkirin.

	 

	Qardaş ku weke yek ji damezrînerên çeteyên DAIŞ'ê tê naskirin, her wiha yek ji berpirsyarê sereke yê êrişên qirkirinê yên li dijî Şengalê û Kobanê bû.

	 

	Beriya ku Ebû Bekir El Bagdadî ji holê bê rakirin, Qardaş yek ji namzetên sereke bû ku bikeve şûna wî. Artêşa Emerîkayê 5 milyon dolar xelat danîbû serê Qardaş.

	 

	Lîderê DAIŞ'ê El Bagdadî 27'ê Cotmeha 2019'an li herêmeke bi 5 kîlometreyî dûrî sînorê Tirkiyê ji aliyê artêşa Emerîkayê ve hatibû kuştin.