
Cerdevan li Cûdî daristanê talan û wêran dikin 

2020-05-16 09:00:34


	&nbsp;

	ŞIRNEX - Darên li derdora qaleqolên li herêma Çiyayê Cûdiyê tên birîn. Cerdevan, rojê nêzî 100 ton dar dibirin.&nbsp;

	&nbsp;

	Di demên dawî de li herêma Çiyayê Cûdiyê 6 qaleqol hatin çêkirin. Lê belê ev demeke darên derdora qaleqolên di navbera navenda Şirnexê û bajaroka Sêgirkê de tên birîn. Heya niha li bejahiya gundê Bilkasima, Mîra Çirîskê, Qursekêça, Cifanê, Girê Bel û Gundikê Remo bi hezaran dar hatine jêkirin. Hat hînbûn ku cerdevanên Sêgirkê daran jê dikin.&nbsp;

	&nbsp;

	Niha piranî darên li bejahiya Gundikê Remo tên jêkirin. Esker telefonî welatiyên ku erdê wan li gund hene kirine û ji wan xwestine daran bibirin. Hat diyarkirin welatiyan jî gotiye: "Hûn me bikujin jî em nabirin." Hat destnîşankirin ku li ser vê yekê cerdevanên Şenobayê çûne herêmê û bi xîzaran dar birîne.&nbsp;

	&nbsp;

	ROJÊ 100 TON

	&nbsp;

	Her wiha hat hînbûn ku eskeran bi beramberiya 200 TL'yî ji welatiyan xwestiye daran li traktorê bar bikin. Lê belê hat gotin, welatiyan ev yek qebûl nekiriye.&nbsp;

	&nbsp;

	20 Cerdevanên ku hatine Gundikê Remo, rojê 100 ton dar dibirin. Rojê 20 seferî dikin û darên birîne jî dibin gundê Nêvavayê.&nbsp;