
Rejîma Îranê di 24 saetan de 2 kolber kuşt in         

2020-05-03 19:32:22


	&nbsp;

	NAVENDA NÛÇEYAN - Rejîma Îranê di saetên sibehê de li bajarê Bane yê Rojhilatê Kurdistanê kolberê temenê wî 22 salî kuşt. Hate gotin ku kolberê hatî kuştin 3 hefte berê zewicî bû. Bi kuştina vî kolberî di 24 saetên dawî de 2 kolber hatin kuştin.&nbsp;

	&nbsp;

	Li gorî nûçeya Kolbernewsê, li bajarê Bane yê Rojhilatê Kurdistanê di gulebarana hêzên rejîma Îranê de kolberê 22 salî Mehmud Muradî hat kuştin. Duh bi şev jî li ser sînorê Nokan-Kanî Zerd ya Serdeşt a ser bi parêzgeha Urmiyeyê, hêzên rejîma Îranê êrîşê komek kolber kir. Di êrîşê de kolber Mihemed Îbrahîm Zade ê xelkê gundê Nebî Abad a ser bi bajarokê Rebete, hate kuştin.&nbsp;