
Di êrişa DAIŞ’ê de 10 milîsên Heşdî Şabî hatin kuştin

2020-05-02 10:54:04


	&nbsp;

	NAVENDA NÛÇEYAN – Di encama êrişa DAIŞ’ê ya li bajarê Selahaddîn ê Iraqê pêk anî 10 kesên girêdayî Heşdî Şabî hatin kuştin.

	&nbsp;

	Li gorî daxuyaniya Heşdî Şabî belav kiriye; duh bi şev DAIŞ’ê li herêmên Mikeyşife û Beled ên Selahaadîna Iraqê li dijî Heşdî Şabî êriş pêk aniye. Di daxuyaniyê de hat ragihandin ku di êrişê de 10 milîsên Heşdî Şabî hatine kuştin û gelek milîs jî birîndar bûne. Birîndaran rakirine nexweşxaneyên derdorê.

	&nbsp;

	Rêveberiya Iraqê di sala 2017’an de her çiqas “serkeftina teqez” ragihandibe jî lê DAIŞ êrişên xwe didomîne. Bi taybetî li deverên wek Selahaadîn, Diyala, Nînova û hin navçeyên Kerkûkê ku berê di kontrola DAIŞ’ê de bûn êriş didomin.

	&nbsp;

	&nbsp;