Stêrk TV di 1’ê Gulanê de satalayta xwe diguherîne!

2020-04-27 15:21:03


	 

	NAVENDA NÛÇEYAN - Rêveberiya Stêrk TV diyar kir ku di 1’ê Gulanê de ji bo weşaneke deng û dîmenên wê baştir, Stêrk TV jî satalayta xwe diguherîne. 

	 

	Rêveberiya Stêrk Tv, têkildarî guhertina satalayta xwe de daxuyaniyek da û diyar kir ku di 1'ê Gulanê de ji bo weşanek baştir dê satalaytê biguherînin. Rêveberiyê anî ziman ku di vê serdema teknîk û teknolojiyê de her roj guhertinên ber bi pêşketinê ve çêdibin û wiha got: "Di warê deng û dîmen de qalîte bi van pêşketinan re zêde dibe. Ji bo weşaneke deng û dîmenên wê baştir, Stêrk TV jî satalayta xwe diguherîne. 

	 

	Ji bo kalîteya deng û dîmenên Stêrk TV’ye baştir bibe, ji 1'ê Gulanê û şûnde wê di weşana peykê ya Stêrkê de guhertinek çêbe.  

	 

	JI 1'Ê GULANÊ Û ŞÛNDE DÊ LI SER DVB-S2 WEŞANÊ BIKE

	 

	Rêberiyê da zanîn ku Stêrk TV heta niha li ser DVB-S bû û got: "Wê ji roja 1'ê Gulanê û pê ve li ser DVB-S2 weşanê bike. 

	 

	Ji bo vê guhertinê hûn jî bikaribin bi hêsanî bikin lazim e hûn di kumandaya televîzyona xwe de di menûya satalayta xwe de hindek guhertinan bikin. Destpêkê bi kumandayê bikevin; menuya televîzyona xwe û bikevin beşa satalaytê. Bi awayekî manuel bên ser eyarên Stêrk TV’ê. Piştre di heman rûpelê de bêyî ku hûn bi agahiyên wê bilîzin, bi tenê eyara DVB-S biguherînin û bikin DVB-S2. Piştî ku we ev yek kir eyarê qeyd bikin. Piştî ku we ev gav hemû bi cih anîn hûnê bikaribin televîzyona xwe ango Stêrkê bi deng û dîmenên baştir temaşe bikin. "