
Qeyûmê Amedê alên tirk bi kargehên girtî ve daliqand

2020-04-23 14:27:31


	&nbsp;

	AMED - Li Amedê kuçe, kolan û meydan ji ber qedexeya derketina derve ya 4 rojan veguherî bêdengiyê. Şaredariya Amedê ya qeyûm birêve dibe li navçeya Sûrê ala tirk daliqand.

	&nbsp;

	Di çarçoveya giştînameya Wezareta Karên Navxweyî de li 30 bajaran û Zonguldakê duh bi şev qedexeya derketina derve ya li dijî vîrûsa koronayê dest pê kiribû. Qedexe wê heta roja yekşemê saet di dozdehê şevê de bi dawî bibe.

	&nbsp;

	Yek ji van bajaran jî Amed e. Li Amedê îro û sibê dikan û market dê vekirîbin. Lig elek deverên nav bajêr ekîbên polîsan ên sivîl û zirxî digerin. Serê sibê xebatkarên tenduristiyê, market, firin, paqijî û çapemeniyê çûn ser karê xwe. Welatiyan di navbera saet 09.00-14.00’an de dan û sitendina xwe li market û dikanan kirin. Li ber qedexeyên din hinek di vê qedexeyê de derve hin bi tevger bû. Ji ber wesayît nexebitin, kuçe, kolan û meydanên bajêr cihê xwe ji bêdengiyê re berda.

	&nbsp;

	Polîsan li welatiyên ne ji bo pêdiviyên xwe derketibûn derve ceza birî.

	&nbsp;

	LI KARGEHAN ALÊN TIRK DALIQANDIN

	&nbsp;

	Şaredariya Bajarê Mezin a Amedê ku ji aliyê qeyûm ve tê birêvebirin, li kargeh û avahiyên girtî yên li navçeya Sûrê sepana daliqandina ala tirk xist meriyetê û alên tirk li hatin daliqandin.

	&nbsp;

	KESÊN BÊMAL

	&nbsp;

	Li Meydana Deriyê Çiyê ya li navçeya Sûrê jî kesên cih û malên wan tune ne jî hatin dîtin û li ser betonê rûniştinê û xwe dirêj kirine û razane.

	&nbsp;