
Doza Hevşaredara Hênê hate taloqkirin 

2025-06-26 12:17:21


	&nbsp;

	AMED - Danişîna doza Hevşaredara Hênê Besîle Narînê ku bi îdiaya “endamtiya rêxistinê” tê darizandin, ji bo amadekirina mutalaayê hate taloqkirin.&nbsp;

	&nbsp;

	Danişîna doza Hevşaredara Hênê ya Amedê Besîle Narînê ku bi îdiaya “endamtiya rêxistinê” tê darizandin, li 4’emîn Dadgeha Cezayên Giran a Amedê hat lidarxistin. Besîle Narîn û parêzerê wê Yûsûf Çakas di danişînê de amade bûn. Besîle Narînê diyar kir ku parastina xwe ya berê dubare dike û îfadeyên şahidan jî red dike.&nbsp;

	&nbsp;

	Şahidê aşkera Merdan Ruştuovalioglû got ku ew Besîle Narînê nas nake, kesên teşhîs kirî nayên bîra wî û got ku bi nîşandana wêneyan teşhîs bi wî hatiye kirin.&nbsp;

	&nbsp;

	Parêzer Yûsûf Çakas jî piştî parastina xwe daxwaza rakirina qedexeya derketina derveyî welat kir.&nbsp;

	&nbsp;

	Şandeya dadgehê hemû daxwaz red kir û ji bo dozgerî mutalaayê amade bike danişîn taloqî 11’ê Mijdarê kir.&nbsp;

	&nbsp;