Tûncer Bakirhan: Em soz didin we ku wê ava Firatê biherike Marmarayê!

2025-05-04 12:12:45


	 

	STENBOL - Hevserokê DEM Partiyê Tûncer Bakirhan ku bi gotinên Yaşar Kemal xatir ji Sirri Sureyya Onder xwest û got, "Em soz didin we ku wê ava Firatê biherike Marmarayê. Em soz didin we ku dê aştî bi ser bikeve. Em ê bêriya dilê wê yê bedew bikin."

	 

	Endamê Heyeta Îmraliyê ya Partiya Wekhevî û Demokrasiyê (DEM Partî) û Serokwekîlê Meclîsê Sirri Sureyya Onder, li Navenda Çandê ya Ataturkê (AKM) a Taksîmê tê oxirkirin. Hevserokê DEM Partiyê Tûncer Bakirhan metna ku ji bo Onder nivîsandî xwend.

	 

	EM SOZ DIDIN TE!

	 

	Bakirhan wiha got: "Sirri sembola aştiyê ye. Dema ku cîhan efsûna xwe winda dikir hûn ji serî heta binî ve hatine veqetandin. Çîroka te bi qasî axa ku tu lê mezin bûyî û çîrokên ku te vegotin kûr bû. Yên ku serê wan gelekî diêşe jî gelek çîrokên wan hene. Tu wek dengbêjekî, çîrvanek bûyî. Di her peyva ku we bi kar anî de şopên tevahiya erdnîgariyên ku hûn lê dijiyan hebûn. Wekî ku Mûrathan Mûngan dibêje, ‘we hem dar û daristan hem jî bersiva bi ziman zanîbû’. 10 sal berê bû. Tu dîsa ji bo aştiyê di rê de bûyî. Te gotina herî qedîm li Dolmabahçeyê bi hêvî anî ziman. Te got, 'çiya û gel westiyaye, niha aştî wê bi ser bikeve'. Me ew roj Yaşar Kemal winda kir. Ez dixwazim we bi gotinên wî oxir bikim: 'Mirov çiqasî biêşe, hemû mirov ewqasî êşê dikişînin. Temamiya mirovahiyê ne li gel yek kesî tê kuştin? Li dijî şer şerkirin, li dijî kuştinê bê kuştin, bû ramana herî bedew ku ji aliyê vê xakê ve hatiye afirandin. Ji bo ku mirovekî bi tenê jî neêşe we xwe bi aştiyê ve girê daye. Em soz didin we ku wê ava Firatê biherike Marmarayê. Em soz didin we ku dê aştî bi ser bikeve. Em ê bêriya dilê wê yê bedew bikin."