
Li gorî TUÎK’ê bêkarî kêm bûye  

2025-04-29 11:37:00


	ENQERE - Li gorî daneyên meha Adarê yên TUÎK’ê, bêkarî kêm bû.&nbsp;

	&nbsp;

	SaziyaÎstatîstîkê ya Tirkiyeyê (TUÎK) daneyên bêkariyê yên meha Adarê aşkera kir. Li gorî TUÎK’ê, li gorî mehek berê di meha Adarê de bêkarî 0.3 puanan kêm bû û daket ji sedî 7.9’ê. Her wiha hate gotin ku ji rêjeya bêkaran 65 hezar kes kêm bûn û hejmara bêkaran daket 2 milyon û 807 hezar kesan. &nbsp;

	TUÎK’ê, di daneyên xwe de rêjeya bêkariyê ya li gorî zayendan jî aşkera kir. Li gorî daneyan; bêkarî di nav zilaman de ji sedî 6.5 û di nav jinan de jî ji sedî 10.6 e. Her wiha rêjeya ciwanên bêkar (Kesên temenê wan di navbera 15-24’ê de) li gorî mehek berê 0.1 puan zêde bû û derket ji sedî 15.1'ê. Rêjeya bêkariyê ya zilamên di vî temenî de ji sedî 11 û ya jinan jî ji sedî 22.6 hate hesabkirin.&nbsp;

	&nbsp;