Tehliyeya Erden ê 30 sal in girtî ye ji bo 6 mehan hate taloqkirin  

2025-01-08 10:54:59


	AMED - Tehliyeya Mehmet Salih Erden ê 30 sal in girtî ye û li Girtîgeha Tîpa F a bi Ewlekariya Bilind a Xarpêtê tê ragirtin, ji bo 6 mehan hate taloqkirin. 

	Mehmet Salih Erden ku 30 sal in girtî ye û li Girtîgeha Tîpa F a bi Ewlekariya Bilind a Xarpêtê tê ragirtin, diviyabû di 11’ê Çileyê de bihata berdan. Erden, duh li ser telefonê bi malbata xwe re axivî û got ku ji ber zexta “poşmantiyê” qebûl nekiriye, tehliyeya wî ji bo 6 mehan hatiye taloqkirin. 

	 

	MEHMET SALIH ERDEN KÎ YE? 

	 

	Mehmet Salih Erden di sala 1995’an de li navçeya Hezexê ya Şirnexê hate binçavkirin. Erden, li Dadgeha Ewlekariya Dewletê (DGM) hate darizandin û cezayê muebbetê lê hate birîn. Erden, di nava 30 salan de li girtîgehên Amed, Ordu, Sêrt, Erzirom, Oltu, Gunuşhane û hwd. hate ragirtin. 

	 

	Erden, niha jî li Girtîgeha Tîpa F a bi Ewlekariya Bilind a Xarpêtê tê ragirtin.