Ahmet Turk ji Erdogan re got: Kesên kes nizane bê kî ne îradeya gel xesp dikin 

2024-11-11 12:36:13


	NAVENDA NÛÇEYAN - Hevşaredarê Bajarê Mezin ê Mêrdînê Ahmet Turk bertek nîşanî gotina Erdogan a “Kes nizane bê kî ne” da û wiha got: “Kesên kes nizane bê kî ne ev 3 serdemin îradeya gel xesp dikin.” 

	Serokkomarê AKP’î Tayyîp Erdogan têkildarî qeyûman axivî bû û ji bo hevşaredarên DEM Partiyî pênaseya “Kesên kez nizane bê kî ne” bi kar anîbû. Hevşaredarê Bajarê Mezin ê Mêrdînê Ahmet Turk li şûna wî qeyûm hatiye tayînkirin, bersiv da gotinên Erdogan. 

	 

	'ÎRADEYA GEL TÊ XESPKIRIN’

	 

	Turk, li ser hesaba xwe ya medyaya dijîtal ev bersiv da: “Li şaredariyên me tu caran ‘kesên kes nizane bê kî ne’ nebûn û dê nebin jî. Lê belê kesên kes nizane bê kî ne ev 3 serdem in îradeya gel xesp dikin. Ev gotinên li dijî kesekê ev 50 sal in siyaseta demokratîk dike, cihê şermezariyê ye û van tawanbariyan ez weke tengazeriyê dibînim.”