
Kabaîş ev 9 roj in winda ye: Lêgerîn li golê tên kirin

2024-10-05 10:58:26


	&nbsp;

	
	&nbsp;

	WAN - Xebatên lêgerîna xwendekara Zanîngehê Rojîn Kabaîşê bêhtir li Gola Wanê tên domandin. Tevî ku derbarê wê de tu delîl nîn in jî bi ser îdiaya "xwekuştinê" tê sekinîn.&nbsp;

	&nbsp;

	Xebatên lêgerînê yên ji bo xwendekara zanîngehê Rojîn Kabaîş ku 27’ê îlonê winda bibû û ji 28’ê îlonê ve jî lêdigerin, di roja 9’an de berdewam kir. Kabaîş a ku li Zanîngeha Yuzuncu Yilê ya Wanê Beşa Pêşxistina Zarokan dixwîne, şeva 27’ê îlonê li Wargeha Xwendekarên Keç a Seyyîd Fehîm Arvasî ya lê dimîne piştî şîvê derdikeve û careke din venagere. Telefon, berguhk, cuzdan, av û keka Kabaîşê ji hêla xwendekaran ve li ser qeraxa Behra Wanê ya Kampusê tê dîtin û teslîmî wargeha ku lê dimîne tê kirin. Wargeh piştî vê yekê malbat û polîsan agahdar dike û dû re xebatên lêgerînê tên destpêkirin.

	&nbsp;

	Malbata Kabîşê ya hatiye li Wanê midûriyeta wargeha ku piştî 18 saetan agahî daye wan, gilî kir.

	&nbsp;

	LI TAXA NÊZ XEBAT NEHAT MEŞANDIN

	&nbsp;

	Tîmên polîs û Ewlehiya Peravê ji ber kamera nikarin li taxa Bardakçi bikêşin, 4 rojên ewil li van deran tu xebatên lêgerînê nehatin kirin.&nbsp;

	&nbsp;

	XEBATÊN BI GIRANÎ LI GOLÊ TÊN DOMANDIN

	
		&nbsp;
	
		Tîmên Ewlekariya Qeraxê, dalgiç û Tîmên Agirkujiyê yan Şaredariya Bajarê Mezin a Wanê bi giranî Kabaîşê di Gola Wanê de digerin.&nbsp;
	
		Platforma jinan a bajar, saziyên civakî yên sivîl, rêxistinên pîşeyî nûnerên partiyên siyasî serdana malbatê kirin û anîn ziman ku ew ê bibin şopdarê bûyerê. Waliya Wanê jî heya niha derbarê xebatên lêgerînê de tu daxuyanî nedan.&nbsp;


	&nbsp;