
Bernameya bîranîna Komkujiya Garê hat eşkerekirin 

2024-10-01 14:31:02


	&nbsp;

	ENQERE - Bi boneya salvegera 9’emîn a Komkujiya Garê ya Enqereyê dê di navbera 1-20’ê cotmehê de bername û çalakiyên cuda bên lidarxistin.&nbsp;

	&nbsp;

	Komeleya Aştiyê ya 10’ê Cotmehê û Hêzên Ked û Demokrasiyê yên Enqereyê têkildarî eşkerekirina bernameya bîranîna salvegera 9’emîn a qurbaniyên Komkujiya 10’ê Cotmehê Gara Enqereyê li Yekitiya Mulkiyelîler civîna çapemeniyê li dar xist. Nûnerên saziyan tev li civînê bûn.&nbsp;

	&nbsp;

	Hevberdevka Komeleya Aştiyê ya 10’ê Cotmehê Mehtap Sakîncî Coşkûn daxuyanî da û bi bîr xist ku bi ser komkujiyê re 108 meh derbas bûne û ew ê sûcê li dijî mirovahiyê hatiye kirin qebûl nekin û di salvegera 9’emîn de qurbaniyên xwe bi bîr bînin. Coşkûn got ku ew ê li ber bîrdariya qurbaniyan hin bêtir li dijî komkujiyê bi hêrs bisekinin.&nbsp;

	&nbsp;

	Hevberdevkê Komeleyê Îshak Kocabiyik jî bernameya çalakiyên dê bên lidarxistin eşkere kir. Kocabiyik diyar kir ku bi salan daxwaza wan a li pêşiya Gar3e ku bîrdariyek were çêkirin tune hatiye hesibandin û hewldanên wan hatine astengkirin.&nbsp;

	&nbsp;

	BERNAMEYA BÎRANÎNÊ&nbsp;

	&nbsp;

	Kocabiyik bername û çalakiyên ji bo bîranîna qurbaniyên komkujiyê bên lidarxistin wiha rêz kir.

	&nbsp;

	“*2’ê cotmehê: Gotûbêja çarşemê, “Di 9 salên tije bêedaletî de me çi kir” li Yekitiya Mulkiyeliler, 19.00

	&nbsp;

	*3’ê cotmehê: “Di şexsê Îsmaîl Kizilçay de nemiriyên 10’ê Cotmehê”, Kuçeya Adakale, 18.30

	&nbsp;

	*4’ê cotmehê: Guhdariya “Gotin û dengê vê axê”, Yekitiya Mulkiyelîler, 18.00-19.00

	&nbsp;

	*5’ê cotmehê: “Kursiyê Edaletê, Yên Edaletê Dixwazin Diaxivin” Navenda Çandê ya Mulkiye, 13.30-17.30

	&nbsp;

	*6’ê cotmehê: Serdana gorê û “9 salên ku bi têkoşîna edaletê derbas bûn”, Eywana Civînê ya Maskî, Manîsa, 14.00-17.00

	&nbsp;

	*7’ê cotmehê: Gotûbêja “Edalet, Komkujî û Penaberî”, Navenda Giştî ya Halkevlerî, 19.00-21.00

	&nbsp;

	*8’ê cotmehê: Pêşandana Belgefîlm û Gotûbêj, Sehneya Yilmaz Guney, 18.30-21.00

	&nbsp;

	*9’ê cotmehê: Vekirina Bîrdariya Komkujiya 10’ê Cotmehê, , Li ber Gara Enqereyê, 12.30 – Panela “Sûcê li dijî mirovahiyê hatiye kirin”, Navenda Hunerên Hemdem a Dogan Taşdelen, 14.30-17.30

	&nbsp;

	*10’ê cotmehê: Bîranîna salvegera 9’emîn, 09.00, Enqere, Stenbol, Îzmîr, Meletî&nbsp;

	&nbsp;

	*20’ê cotmehê: 2’yemîn Lîkya 104 Meşa Aştiyê ya Mirovên Netirs, Adrasan/Antalya, 09.30”

	&nbsp;

	PÊŞENGEHA WÊNEYAN&nbsp;

	&nbsp;

	Piştî daxuyaniyê di çarçoveya bernameyê bîranînê de pêşengeha wêneyan a bi navê “Ji bîr neke” a wênegir Mehmet Ozer hat vekirin. Ozer di vekirina pêşengehê de axivî û got ew ê xewn û xeyalên hevrêyên xwe ji bîra nekin û wê hêrsa wan tim li dijî qetlîamkera hebe.&nbsp;

	&nbsp;

	Wê pêşengeh heta 10’ê cotmehê li Yekitiya Mulkiyelîler vekirî be.&nbsp;

	&nbsp;

	&nbsp;