
Di çalakiya ‘Deng bide azadiyê’ de bang li saziyên navnetewî hate kirin

2024-09-23 14:47:15


	&nbsp;

	WAN - Di çalakiya “Deng bide azadiyê” ya Wanê hate lidarxistin de hate xwestin ku saziyên navnetewî têkildarî Abdullah Ocalan peywîr û berpirsyartiya xwe bi cih bînin.&nbsp;

	&nbsp;

	Çalakiya “Deng bide azadiyê” ku di pêşengtiya malbatên girtiyan û saziyên sivîl ên civakî de di çarçoveya kampanyaya “Ji Abdullah Ocalan re azadî, ji pirsgirêka kurd re çareserî” de tê lidarxistin li Wanê berdewam kir.&nbsp;

	&nbsp;

	Di çarçoveya çalakiyê de malbatên girtiyan û Komeleya Piştevanî û Alîkariyê ya bi Malbatên Girtî û Hikumxwaran re ya Wanê (WAN TUHAY-DER) li ber Kampusa Girtîgeha Wanê daxuyanî da.&nbsp;

	&nbsp;

	Rêveberê TUHAY-DER’ê Emîn Şeker, bi lêv kir ku biryarên keyfî yên Lijneyên Çavdêrî û Îdareyê û berdana girtiyan hatiye astengkirin. Şeker, bal kişand ku di encama van polîtîkayên AKP’ê de li girtîgehan bûyerên mirinê çêdibin û wiha got: “Her sal bi dehan girtî û hikumxwarî ji ber şertên girtîgehan jiyana xwe ji dest didin. Ji van mirinan desthilata AKP’ê û MHP’ê berpirsyar e. Her yek ji van cînayeteke siyasî ye. Em bang li desthilatê dikin ku nebe şirîkê van cînayetan û qanûnan û hiqûqê bi cih bîne.”

	&nbsp;

	‘WEZARETA DADÊ JI PERGALA TECRÎDÊ BERPIRSYAR E’&nbsp;

	&nbsp;

	Şeker, îşaret kir ku tecrîd ji Îmraliyê dest pê kir û belavî hemû qadan bûye û wiha berdewam kir: “Desthilata AKP’ê û MHP’ê israr dike ku biryarên Dadgeha Mafên Mirovan a Ewropayê bi cih neîne. DMME’yê biryar da ku ‘mafê hêviyê’ hatiye binpêkirin. Di serî de Wezareta Dadê gelek sazî û dezgehên netewî û navnetewî ji vê pergala tecrîd û îşkenceyê berpirsyar in. Li hemberî van polîtîkayên kêfî, bêhiqûqî û tecrîdê yên li girtîgehên Tirkiyeyê dewam dikin, em bang li saziyên navneteweyî bi taybetî bang li Neteweyên Yekbûyî, Konseya Ewropa û CPT, hemû baro, rêxistinên mafên mirovan û raya giştî ya demokratîk dikin ku wezîfeyên xwe bi cih bînin.”

	&nbsp;

	Parlamenterê DEM Partiyê yê Wanê Mahmût Dîndar jî anî ziman ku li dijî kurdan polîtîkayên îmha û înkarê tên meşandin û xwest ku Tirkiye ji vê zincîra bêhiqûqiyan vegere.&nbsp;

	&nbsp;

	Daxuyanî bi dirûşmeyên “Bijî berxwedana zindanan” û “Giriyên siyasî rûmeta me ne” bi dawî bû.&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;