
Li dijî binpêkirinên li girtîgehan banga ‘civîna lezgîn’ li ÎHÎK’ê kir

2024-08-27 16:53:47


	&nbsp;

	ENQERE - Parlamentera DEM Partiyê Berîtan Guneş a bal kişand ser binpêkirinên mafan ên li Girtîgeha Bandirmayê, xwest ku ÎHÎK bi awayekî lezgîn kom bibe.&nbsp;

	&nbsp;

	Parlamentera Partiya Wekhevî û Demokrasiyê ya Gelan (DEM Partî) Berîtan Guneş Altin, têkildarî binpêkirinên li Girtîgehên Tîpên T ên Hejmarên 1 û 2 ên Bandirma ya Balikesîrê serî li Komîsyona Mafên Mirovan a Meclisê (ÎHÎK) da. Di serlêdanê de bal kişandin ser zextên psîkolojîk ên li girtîgehan diqewimin û wiha hate gotin: “Li dijî girtiyan polîtîkayeke cidî ya tecrîdê xistine meriyetê û li korîdoran nahêlin ku girtî silavê bidin hevdû.” Di berdewama serlêdanê de wiha hate gotin: “Tevî ku di rêgezê de maf e jî di 3 salên dawî de tu aktîvîteyên hunerî nayên kirin. Daxwazên têkildarî van jî bêyî ku hincetek bê pêşkeşkirin hate redkirin. Gardiyan bi ser qawişan de digirin û hewl didin girtiyan provoke bikin. Dema girtî bi telefonan diaxivin ji aliyê gardiyanan ve tên acizkirin.”

	&nbsp;

	Guneş, di serlêdana xwe de herî dawî ji bo binpêkirinên wiha bi dawî bibin xwest ku ÎHÎK bi awayekî lezgîn kom bibe.&nbsp;

	&nbsp;