
Gundê Şînkê yê Silêmaniyê hat bombebarankirin

2024-08-26 13:20:23


	&nbsp;

	NAVENDA NÛÇEYAN- Hate diyarkirin ku dewleta tirk bi balafira bêmirov û biçek derdora gundê Şînkê ya ser bi Şarbajêr ya girêdayî Silêmaniyê bombebaran kiriye.

	&nbsp;

	Êrişên dewleta tirk ên bi hevkariya PDK'ê li Herêma Kurdistana Federe didomin. Li gorî nûçeya Rojnewsê, beriya çend kêliyan dewleta tirk bi balafira bêmirov û biçek (SÎHA) derdora gundê Şînkê ya ser bi Şarbajêr a girêdayî Silêmaniyê bombebaran kiriye.

	&nbsp;

	Têkildarî ziyanên êrişê agahî bidest neketin.

	&nbsp;

	Dewleta Tirk a dagirker rojane deverên cûda yên Başûrê Kurdistanê bombebaran dike. Duh jî li Berwarî Bala ji ber bombebarana artêşa tirk 5 gund şewitîn bi sedan donim daristan, bax û rezên welatiyan şewitîn.

	&nbsp;