
‘Êrişa li dijî rojnamevanan, terora dewletê ye’

2024-08-23 16:33:09


	&nbsp;

	NAVENDA NÛÇEYAN - Parlamenterê Herêma Kurdistanê yê Berê Omer Gulpî anî ziman ku êrişa Tirkiyeyê ya li dijî rojnamegeran ji terora dewletê pêdetir tiştek nîn e.&nbsp;

	&nbsp;

	Tirkiyeyê îro wesayîta rojnamevanan li Silêmaniyê bombebaran kir. Di encama êrişê de 2 rojnamevanên jin jiyana xwe ji dest dan, 6 rojnamevan jî birîndar bûn. Nerazîbûnên li dijî êrişa Tirkiyeyê her ku diçe zêdetir dibin. Parlamenterê berê yê parlamentoya Herêma Federe ya Kurdistanê Umer Gulpî debarê êrişê de daxuyaniyek parve kir.

	&nbsp;

	Umer Gulpî destnîşan kir ku hedefgirtina du xebatkarên kanala Stêrk TV a li Seyîdsadiqê, ji bilî terora dewlet ya li dijî xelkê sivîl bêhtir tişteke din nîn e. Gulpî diyar kir ku divê rayedarên bilind yên Iraq û Herêma Federe ya Kurdistanê li ser van êrişan dengê xwe derbixin û got ku divê rayedar rê nedin balafirên bê mirov hîn zêdetir li Herêma Kurdistanê tirsê belav bikin.

	&nbsp;