
Navên rojnamevanên di êrişê de hatin qetilkirin eşkere bû 

2024-08-23 13:46:26


	NAVENDA NÛÇEYAN -&nbsp;Navê rojnamevanên di êrişa li Silêmaniyê de canê xwe ji dest dan eşkere bû. Hat zanîn ku rojnamevan Gulistan Tara û Hêro Behadîn jiyana xwe ji dest dan e. Rêbîn Bekîr jî di êrişê de birîndar bû.&nbsp;

	&nbsp;

	Balafirek biçek û bêmirov (SÎHA) a Tirkiyeyê li navçeya Seyîdsadiq a Silêmaniyeyê, wesayîta kedkara çapemeniya azad bombebaran kiribû. Di encama êrişê de 2 rojnamevan canê xwe ji dest dabûn û 6 rojnamevan birîndar bûn.&nbsp;

	&nbsp;

	Navê rojnamevanên canê xwe ji dest dan eşkere bû. Hat zanîn ku rojnamevan Gulistan Tara û Hêro Behadîn di encama êrişê de jiyana xwe ji dest dane.&nbsp;

	&nbsp;

	DU KEDKARÊN ÇAPEMENIYA AZAD&nbsp;

	&nbsp;

	Hêro Behadîn di şirketa Produksiyona Chatrê de rojnamevaniyê dikir. Gulistan Tara jî ji bajarê Batmanê ya bakurê Kurdistanê ye û ew ji salên 2000'î ve wek kedkarek Çapemeniya Azad li gelek bajarên bakurê Kurdistanê û beşên din ên Kurdistanê rojnamevaniyê kir.&nbsp;

	&nbsp;

	

	Rêbîn Bekir

	&nbsp;

	BERPIRSÊ MEDYA DÎJÎTAL Ê CHATRÊ JÎ BIRÎNDAR BÛ&nbsp;

	&nbsp;

	Her wiha hat zanîn ku Berpirsê Medyaya Dîjîtal a Produksiyona Chatrê Rêbîn Bekir ê 30 salî jî di êrişê de birîndar bûye û li gorî agahiyan li nexweşxaneyek Silêmaniyê tê tedawîkirin û hat gotin rewşa wî baş e.&nbsp;