
Li Enqereyê qeza: 9 kes mirin, 26 kes birîndar bûn 

2024-08-09 09:39:12


	&nbsp;

	NAVENDA NÛÇEYAN - Otobûsa rêwiyan li ser rêya Enqere-Eskîşehîrê qeza kir. Di qezayê de 9 kes mirin û 26 kes jî birîndar bûn.&nbsp;

	&nbsp;

	Otobûsa rêwiyan a bi plakaya 04 AAV 951 a aydê Agri Seç Turzîmê, dema ji li ser rêya Enqere-Eskîşehîrê ber bi îstîqameta Polatliyê ve diçû, saet serê sibehê di 05.00'ê de ji kontrolê derket û li derdora gundê Olukpinarê li pirê xist. Nehat zanîn bê ka otobûs çima ji kontrolê derket. Di qezayê de 9 kes mirin û 26 kes jî birîndar bûn.&nbsp;

	&nbsp;

	Gelek ambulans û komên agirkujiyê li cihê qezayê hatin sewqkirin. Xebatên ji bo derxistina birîndaran a ji otobûsê didomin û welatiyên hatin derxistin sewqî nexweşxaneyan hatin kirin. Rêya Enqere-Eskîşehîrê ya ber bi îstîqameta Polatliyê ve ji hatin û çûnê re hate girtin.&nbsp;

	&nbsp;

	Waliyê Enqereyê Vasîp Şahîn têkildarî qezayê daxuyanî da û got ku 9 kes mirine, 26 kes birîndar bûne û li gorî lêkolîna wan a ewil, dibe ku ajokar bi xew çûbe lewma rê li ber qezayê vekiribe.&nbsp;

	&nbsp;