
Girtiyê kurd li Îranê hat bidarvekirin 

2024-08-06 13:24:21


	NAVENDA NÛÇEYAN - Hat zanîn ku siyasetmerê kurd ê girtî Reza Resaî yê bi hinceta beşdarî çalakiyên protestokirina Jîna Emînî bûye û di kanûna 2023’yan de cezayê darvekirinê lê hatibû birîn, hat bidarvekirin.&nbsp;

	Li Îranê siyasetmedarê kurd Reza Resaî yê 35 salî bi hinceta beşdarî çalakiyên “Jin jiyan azadî” yên piştî qetilkirina Jîna Emînî destpêkirin bûbûi hatibû girtin û di meha kanûna 2023’yan de cezayê darvekirinê lê hatibû birîn. Hat zanîn ku rejîma Îranê, Reza Resaî bi dar ve kiriye.&nbsp;

	&nbsp;

	Hat diyarkirin ku îro serê sibehê zû Resaî li Girtîgeha Navendî ya Kirmanşahê hatiye bidarvekirin û der barê darvekirinê de jî agahî nedane malbatê. Hat zanîn ku piştî darvekirinê agahî dane malbatê û hişyarî li malbatê hatiye kirin cenaze nebin li bajarê Sahnehê veneşêrin.&nbsp;

	&nbsp;

	Resaî di 24’ê mijdara 2022’yan de hatiye girtin. Di 31’ê kanûna 2023’yan de cezayê darvekirinê lê hatibû birîn. Cezayê Resaî du hefte berê ji aliyê Dadgeha Bilind a Komara Îslamî ya Îranê ve hatibû erêkirin.&nbsp;

	&nbsp;

	Hat zanîn ku Resaî ji bajarê Kirmanşahê ye.&nbsp;