
Ji Rêxistina Efûyê rapora ‘mafê protestoyê’: Li Tirkiyeyê bêcezahiştin heye

2024-07-09 13:39:44


	NAVENDA NÛÇEYAN - Rêxistina Efûyê ya Navneteweyî di rapora xwe ya “mafê protestoyê” de diyar kir ku li Tirkiyeyê rewşa “bêcezhiştinê û hesabnedayînê” heye.&nbsp;

	Rêxistina Efûyê ya Navneteweyî raporek di navbera dîrokên 2022’yan û heta îlona 2023’yan amade kir û weşand. Rêxistinê di raporê de li dijî azadiya civandinê ya li gelek welatên Ewropayê li dijî “êriş û astengiyên sîstematîk” hişyar kir. Di rapora bi sernavê, “Li 21 welatên Ewropayê rewşa mafê protestoyê” de li welatên navborî qanûnên zextan dikin, bikaranîna hêza nehewce û zêde, girtinên kêfî û lêpirsîn, astengiyên neheq û cihêkarî radixin ber çavan.&nbsp;

	&nbsp;

	REWŞA 21 WELATAN HAT LÊKOLÎNKIRIN&nbsp;

	&nbsp;

	Rêxitûna Efûyê di raporê de rewşa li Avusturya, Belçîka, Komara Çekê, Fînlandiya, Fransa, Almanya, Yunanistan, Macaristan, Îrlanda, Îtalya, Luksemburg, Hollanda, Polonya, Portekîz, Sirbistan, Slovenya, Îspanya, Swêd, Swîsre, Tirkiye û Îngiltereyê lêkolîn kir.&nbsp;

	&nbsp;

	‘BÊCEZAHIŞTIN Û HESABNEDAYÎN’&nbsp;

	&nbsp;

	Li gorî nûçeya DW Tirkî; Rêxistina Efûyê di lêkolînê de derxistiye holê ku Almanya, Fransa, Îtalya, Swîsre, Îngiltere û Tirkiye di nav de ji 21 welatan herî kêm li 13 welatan bûyerên “bêcezahiştin û hesabnedayînê” ya polîsan heye.&nbsp;

	&nbsp;

	Rêxistina efûyê her wiha çalakiyên aştiyane û mafên mirovan ên ku wek “gefa li dijî ewlehî û pergala cemaweriyê” tên ravekirin jî rexne kir.&nbsp;

	&nbsp;