
Li Dîlokê di qezayê de 3 kesan jiyana xwe ji dest dan

2024-06-27 11:54:39


	&nbsp;

	DÎLOK - Li navçeya Nûrdagiyê di qezayê de 3 kesan jiyana xwe ji dest dan û kesek jî birîndar bû.&nbsp;

	&nbsp;

	Li navçeya Nûrdagi ya Dîlokê li ser rêya di navbera Tarsus-Edene-Dîlokê de rêzeqeza çêbû. Hat zanîn ku di qezayê de 2 otomobîl di navbera 2 TIR’an de man. Ji kesên di otomobîlan de 3’yan jê jiyana xwe ji dest dan û yek jî birîndar bû. Li gorî agahiyan, TIR a bi plakaya 27 AHK 33 ku Hasan Kiliçparlar diajot li otomobîla bi plakaya 27 BMJ 57 a Veysel Oduncu diajot û otomobîla bi plakaya 31 AKB 057 a Orhan Gul diajot da. Otomobîla Orhan Gul diajot jî li TIR a bi plakaya 33 AOC 043 a Nûrî Tayan diajot xist. Her du otomobîlên di navbera TIR’an de mayîn veguherîn xurdeyê. Orhan Gul, Veysel Oduncu û Gulsum Vaapova yên di otomobîlan de jiyana xwe ji dest dan. Bulent Aydinişik jî birîndar bû.&nbsp;

	&nbsp;

	Cenazeyên her sê kesên di wesayîtan de asê mabûn, ji hêla komên agirkujiyê ve hatin derxistin û birin morga Saziya Tipa Edlî ya Mereşê.&nbsp;

	&nbsp;

	Bulent Aydinişik jî ji bo tedawiyê rakirin nexweşxaneyê. Têkildarî qezayê lêpirsîn hate destpêkirin.&nbsp;

	&nbsp;