
Danişîna rojnamevan Kaya hat taloqkirin 

2024-06-25 12:26:03


	&nbsp;

	AGIRÎ - Danişîna doza rojnamevan Abdullah Kaya yê bi îdiaya “endamtî û alîkariya rêxistinê” tê darizandin, hat taloqkirin.&nbsp;

	&nbsp;

	Danişîna 30’yemîn a doza nûçegihanê DÎHA’yê ya bi KHK’ê hat girtin Abdullah Kaya ku bi îdiaya “endamê rêxistinê ye” û alîkariya rêxistinê kiriye” tê darizandin, li 2’yemîn Dadgeha Cezayê Giran a Agiriyê hat lidarxistin. Kaya yê negirtî tê darizandin di danişînê de amade bû û parêzerên wî mezaret dan nîşandan û beşdarî danişînê nebûn.&nbsp;

	&nbsp;

	Dozger xwest xisûsên kêm yên di dosyeyê de bên temamkirin.&nbsp;

	&nbsp;

	'ÇAPEMENIYA AZAD TÊ DARIZANDIN’&nbsp;

	&nbsp;

	Kaya di danişînê de axivî û destnîşan kir ku ew rojnamevan e û tu sûcek nekiriye û got: “Di şexsê min de rojnamevanî û çapemeniya azad tê darizandin. Divê êdî li Tirkiyeyê rojnamevan neyên darizandin. Tu sûcekî min nîne û ez dixwazim bêm beraetkirin.”&nbsp;

	&nbsp;

	Şandeya dadgehê ji bo xisûsên kêm di dosyeyê de bên temamkirin danişînê taloqî 24’ê îlonê kir.&nbsp;

	&nbsp;