
4 welatiyên ku di şewatê de jiyana xwe ji dest dan hatin definkirin 

2024-06-21 20:15:00


	AMED/MÊRDÎN -&nbsp;4 welatiyên ku di şewatê de jiyana xwe ji dest dabûn li navçeya Çinar û Şemrexê bi beşdarbûyîna bi sedan kesî hatin definkirin.&nbsp;

	&nbsp;

	Kesên di şewata duh de ku li gundên navçeya Çinar a Amedê û Şemrex a Mêrdînê çêbû jiyana xwe ji dest dan tên definkirin. Abdûrrahman Bûgdayci (16) û Ûbeydûllah Bûgdayci (30) ên li gundê Tobînî yê Çinarê di şewatê de jiyana xwe ji dest dan hatin definkirin.&nbsp;

	&nbsp;

	Bi sedan kes tevlî merasîma cenazeyan bû. Hevşaredara Şaredariya Bajarê Mezin a Amedê Serra Bûcak û Parlamentera DEM Partiyê ya Amedê Adalet Kaya jî tevlî merasîma definkirina cenaze bûn.&nbsp;

	&nbsp;

	LI ŞEMREXÊ 2 CENAZE HATIN DEFINKIRIN

	&nbsp;

	Mazhar Demîr û Sînan Devîren ên li gundê Kelekê yê navçeya Şemrex a Mêrdînê di şewatê de jiyana xwe ji dest dan jî hatin definkirin. Hevşaredarên navçeyên Mêrdîn û Amedê, parlamenterên DEM Partiyê, nûnerên partiyên siyasî û gelek welatî tevlî merasîma cenazeyan bûn.&nbsp;