
Doza êrişa li dijî DEM Partiyê: Bersûcê got ‘serxweş bûm’ hat tehliyekirin 

2024-06-07 12:14:51


	&nbsp;

	RIHA - Di doza êrişa li dijî avahiya Rêxistina DEM Partiyê ya Bêrecûkê de bersûc Halîl Begît îdia kir ku “serxweş” bû û hate tehliyekirin.&nbsp;

	&nbsp;

	Di 8’ê gulanê de kekê Mehmet Begît ê bi navê Halîl Begît bi çekan êrişî avahiya Partiya Wekhevî û Demokrasiyê ya Gelan (DEM Partî) a Bêrecûk a Rihayê kir. Danişîna dozê li Dadgeha Cezayên Giştî ya Bêrecûkê hate lidarxistin. Begît, ji girtîgehê bi rêya SEGBÎS’ê tev li danişînê bû. Hevserokê DEM Partiyê yê Bêrecûkê Hasan Yildiz û parêzerên partiyê di danişînê de amade bûn.&nbsp;

	&nbsp;

	Piştî tespîtkirina nasnameyê, Begît parastina xwe kir û îdia kir ku dema êriş pêk anî “serxweş” bû. Parêzerê Begît jî îdia kir ku hêmayên sûc çênebûne û daxwaza beraetê kir.&nbsp;

	&nbsp;

	Hevserokê DEM Partiyê yê Navçeyê Hasan Yildiz jî anî ziman ku êriş li dijî avahiya partiyeke siyasî ye û ji Begît gilîdar in. Parêzerê DEM Partiyê Huseyîn Polat jî diyar kir ku di îdianameyê de kêmasî hene û wiha got: “Divê li dosyayê were zêdekirin bê ka di roja êrişê de Begît bi kê re hevdîtin kiriye. Yên ku ew sor kirin û alîkarî dane hene. Çeka behsa xeberê nehatiye desteserkirin. Ji ber ku çek nehatiye dîtin û kesên divê weke gumanbar li îfadeyên wan bihata guhdarîkirin lê nehatiye guhdarîkirin di dosyayê de nînin, em dixwazin rewşa girtî bidome.”&nbsp;

	&nbsp;

	HAT TEHLIYEKIRIN

	&nbsp;

	Dozger jî xwest ku rewşa girtî ya bersûc bidome. Şandeya dadgehê bi îdiaya “gumana reşkirina delîlan û reva wî nîne” bi şertê kontrola edlî biryara tehliyeyê da. Dadgehê danişîna dozê taloqî 18’ê îlonê kir.&nbsp;

	&nbsp;

	ÇI BÛBÛ?

	&nbsp;

	Di 8’ê gulanê saet derdora 03.30’an de li dijî avahiya DEM Partiyê ya Bêrecûkê êrişa çekdarî hate kirin û 14 gule lê ketin. Halît Begît ku birayê wî Mehmet Begît piştî hatî hilbijartin ji DEM Partiyê îstîfa kiribû, di çarçoveya lêpirsînê de hate binçavkirin. Piştî kar û barên li emniyetê sewqî edliyeyê hate kirin. Dozger jî bi daxwaza girtinê sewqî Dadgeriya Cezayên Sulhê kir. Dadgeriyê biryara girtinê da û Begît şand Girtîgeha Hejmar 1 a Tîpa T a Rihayê.&nbsp;

	&nbsp;