
TBB: Divê wezaret dest ji biryara xwe berde û hevşaredar vegere ser wezîfeya xwe 

2024-06-04 09:32:34


	ENQERE - Yekitiya Baroyên Tirkiyeyê diyar kir ku divê hevşaredarê Colemêrgê li wezîfeya xwe bê vegerandin û got: “Bingeha demokrasiyê ew e ku rêz ji mafê bijartin û hilbijartinê re bê girtin.”&nbsp;

	&nbsp;

	Yekitiya Baroyan a Tirkiyeyê (TBB) têkildarî binçavkirina Hevşaredarê Colemêrgê Mehmet Siddik Akiş û tayînkirina qeyûmê ser Şaredariya Colemêrgê daxuyaniyek nivîskî weşand. Di daxuyaniya bi sernavê “Bingeha demokrasiyê ew e ku rêz ji mafê bijartin û hilbijartinê re bê girtin” de binçavkirina Akiş û tayînkirina qeyûm hat bibîrxistin.&nbsp;

	&nbsp;

	Yekitiya Baroyan di daxuyaniyê de destnîşan kir ku Desteya Hilbijartinê ya Bilind dosyeya esasiye ya 2014’an ji bo mafê bijartinê wek asteng nedîtiye û piştre jî dosye ji bo serokatiya şaredariyê nebûye asteng û wiha hat gotin: “Bêyî ku tiştek bê lêkolînkirin, serokşaredar ji wezîfeyê girtin, tê wateya destwerdana bêpîvan a li dijî mafê bijartin û hilbijartinê ya ku bingeha demokrasiyê ye.”&nbsp;

	&nbsp;

	ÎRADEYA HILBIJÊRAN LI BER ÇAVAN NEHATIYE GIRTIN&nbsp;

	&nbsp;

	Yekitiya Baroyan diyar kir ku bi tayînkirina walî re îradeya gel-hilbijêran li ber çavan nehatiye girtin û li şûna walî bê tayînkirin meclisa şaredariyê dikaribû encûmenek ji nava xwe bijarta.&nbsp;

	&nbsp;

	BILA ŞAREDAR VEGERE SER WEZÎFEYA XWE&nbsp;

	&nbsp;

	Yekitiya Baroyan da zanîn ku divê &nbsp;Wezareta Navxweyî dest ji biryara ku girtiye berde û serokê şaredariyê li wezîfeya xwe bê vegerandin û divê dest ji sepanên ku tê wateya destwerdana li dijî mafê bijartin û hilbijartinê bê berdan.

	&nbsp;