
HRE bîlançoya êrişên Tirkiyeyê yên meha gulanê eşkere kir 

2024-06-01 13:27:57


	NAVENDA NÛÇEYAN - Navenda Ragihandinê ya Hêzên Rizgariya Efrînê (HRE) bîlançoya êrişên Tirkiyeyê yên di meha gulanê de li dijî Şehba-Efrînê eşkere kir.&nbsp;

	Navenda Ragihandina Hêzên Rizgariya Efrînê (HRE) bîlançoya êrîşên Tirkiyeyê yên di meha Gulanê de li dijî Kantona Efrîn û Şehbayê pêk anîne, eşkere kir. Li gorî raporê Tirkiyeyê di meha gulanê de 124 caran êrîşî 37 deverên Efrîn û Şehbayê kirin. Di êrişan de zarokek jiyana xwe ji dest da, 3 zarok, welatiyekî 60 salî û leşkerekî Hikûmeta Şamê jî birîndar bûn.

	&nbsp;

	Li gorî bîlançoya hatiye parvekirin, di navbera 1 û 31’ê Gulanê de Tirkiyeyê 124 caran êrişî 37 gund, bajarokên Şehba-Efrînê û derdora wan kir. 3 cihên hêzên Hikûmeta Şamê jî bûn hedef. Di êrişên ku bi tang, topên obus û hawanan, balafirên bêmirov û bi çek, dronên xwekuj û bombeavêjan pêk hatin de, malên welatiyan, erdên çandiniyê, bax û baxçeyan zirar dît.

	&nbsp;

	Di topbarana 18’yê gulanê ya li ser gundê Semoqa yê Şehbayê de zarokê bi navê Ferês Xelef Îbrahîm jiyana xwe ji dest da, 3 zarok jî birîndar bûn.

	&nbsp;

	Di topbarana 31’ê gulanê ya li ser gundê Şêx Îsa yê Şehbayê de jî hemwelatiyekî 60 salî birîndar bû.

	&nbsp;

	Di êrişa 19’yê gulanê ku dironeke xwekûj li ser gundê Seda Şehba pêk hat de, leşkerî Hikûmeta Şamê yê navê Beşar Cebora (36) birîndara bû.

	&nbsp;

	Di êrişa 24'ê gulanê ku bi dironek xwekûj li ser noqteyek hêzên Hikûmeta Şamê ya li gundê Hirşa Sixunekê ya bajarê Şêrewa ya Efrînê pêk hat de, zirara aborî çêbû.&nbsp;

	&nbsp;

	15'ê gulanê bi dironek xwekûj noqteya hêzên Hikûmeta Şamê ya li gundê Kefer Anton ê bajarê Şera yê Efrînê hat hedefgirtin. Di êrişê de zirara aborî çêbû.

	&nbsp;