
Qeyûma Cizîrê ji bo ‘pakbûnê’ 4 milyon lîre daye Dosso Dossî

2024-05-31 09:01:59


	ŞIRNEX - Qeyûma Şaredariya Cizîrê bi hinceta “nêrîna neyînî ya çêbûye” ji holê rake di sala 2022’yan de 4 milyon 130 hezar lîre pere daye Dosso Dossî.&nbsp;

	Qedexeyên li dijî hunermendên xebatên kurdî û bi nasnameya kurdbûnê tên kirin û saziyên sivîl yên bi ser çand û zimanê kurdî xebatan didomînin didomin. Ji sala 2019’an ve li 16 bajaran herî kêm 28 çalakiyên bi kurdî bi hincetên cuda ji hêla walîtî û şaredariyên AKP’î ve an hatin astengkirin an jî hatin qedexekirin. Ji van çalakiyan 18’ê wan konser, 8’ê wan jî şano bûn.

	&nbsp;

	Hêj ku qedexeyên tên sepandin didomin, li aliyê din polîtîkayên qirkirina çandî yên li Kurdistanê jî ketin meriyetê. Polîtîkayên dixwazin bîra ziman, çand û dîrokî ya kurd ji holê rake, di vê hêlê de herî zêde Holdînga Dosso Dossî dide xebitandin.&nbsp;

	&nbsp;

	DEM PARTÎ PIŞTGIRÎ NEDA

	&nbsp;

	Qeyûm, şaredariyên AKP’î û walîtî gelek caran çalakiyên bi kurdî asteng kirine di salên dawî de di bin navê “mihrîcanan” de li Bazida Agiriyê, li Cizîra Şirnexê û li Sûra Amedê organîzasyonên mezin li Dosso Dossî dan kirin.&nbsp;

	&nbsp;

	Dosso Dossî herî dawî li Parka Newroza Amedê xwest “konserekî” li dar bixe. Rêveberiya Şaredariya Partiya Wekhevî û Demokrasiyê ya Gelan (DEM Partî) peymana dema qeyûm de hatiye kirin û dê şaredariyê bixista bin deynekî giran, bi sedema “Di vê krîzê de dê dahatuyên gel ji wê derê re neyên xerckirin” betal kir.&nbsp;

	&nbsp;

	Piştî daxuyaniya Şaredariya Bajarê Mezin a Amedê, derket holê ku Dosso Dossî ji bo van organîzasyonan ji rêveberiyên qeyûman gelek pere girtine.&nbsp;

	&nbsp;

	JI ŞAREDARIYA CIZÎRÊ MILYON STENDIN

	&nbsp;

	Li gorî agahiyên bi dest ketine Dosso Dossî di 30’ê cotmeha 2022’yan de ji bo organîzasyona navçeya Cizîrê 4 milyon û 130 lîre pere stendiye.&nbsp;

	&nbsp;

	Di organîzasyona behsê xeberê ya li kêleka Çemê Dîcleyê hatiye lidarxistin de Soner Sarikabadayi, Sefo Kûrtûlûş, û Burak Bûlût derketin ser dikê. Herwiha rayedarê bilind ê Holdînga Dosso Dossiyê Hîkmet Ereslan jî wek DJ peywir girt.&nbsp;

	&nbsp;

	QAŞO CIZÎR XIRAB HATIYE NASÎN!

	&nbsp;

	Şaredariya Cizîrê ji bo organîzasyona hatiye lidarxistin pereyekî mezin xerc kir. Midûriyeta Karûbarên Çandî û Civakî ya Şaredariya Cizîrê ji bo “mihrîcana muzîkê” ji qeyûm re daxwazname şand. Di daxwaznameya 26’ê cotmehga 2022’yan de gotinên balkêş cih girtin.&nbsp;

	&nbsp;

	Di daxwaznemeyê de hat îdiakirin ku nirxên navçeyê têra xwe nehatine nasandin û wiha hat gotin: “(...) navê navçeyên ji ber bûyerê terorê yên berê, di serê mirovan de bi bîranînên nebaş tê naskirin. Em wek Şaredariya Cizîrê ji bo bîra xerab a di mirovan de çêbûye ji holê rakin, dewlemendiyên navçeya xwe bidin nasîn, ji bo ku ciwan di hêla civakî pêş bikevin, em difikirin ku hunermendên nav û deng werin li herêmê, ji bo ciwanan ji hişbir û elimandinên xirab dûr bixin dê ev mihrîcan sûdewer bibe.&nbsp;

	&nbsp;

	Midûrtî lêçûnên “mihrîcanê” yek bi yek wiha rêz kir

	&nbsp;

	“Bersivandina lêçûnên çalakiyê Şaredarî bigire ser xwe

	&nbsp;

	*Qada çalakiyê 5 roj berî mihrîcanê teslîmî fîrmayê were kirin

	&nbsp;

	*Anîna 3 hunermendên wek neteweyî

	&nbsp;

	* Pêkanîna performansa DJ

	&nbsp;

	* Ji bo çalakiyê temamkirina her cure alavên teknîkî

	&nbsp;

	* Bi qasî ku têrî şeva çalakiyê bike alavên deng, dik, ronahî û fîşekên hewayê anîn

	&nbsp;

	* Ewlehiya qadê pêk anîn

	&nbsp;

	* Ewlehiya birin û anîna alavan pêkanîn

	&nbsp;

	Qeyûm daxwazên midûrtiyê qebûl kir û ji bo lêçûnên çalakiyê biryar da ku 4 milyon 130 hezar lîre were razandin. Pereyê ku di wê demê de hatine razandin, vê gavê nêzî &nbsp;8 milyon lîreyan e.&nbsp;

	&nbsp;

	MA / Zeynep Dûrgût

	&nbsp;