
Li Stenbolê hejmara binçavkiriyan derket 27'an

2024-05-21 13:16:55


	&nbsp;

	STENBOL - &nbsp;Li Stenbolê hejmara kesên bi hinceta 1’ê Gulanê hatine binçavkirin derket 27’an. &nbsp;

	&nbsp;

	Polîsan îro li Stenbolê serê sibehê bi ser gelek malan de girtin. Di serdagirtinên malan de tevî endamên Partiya Karkeran a Tirkiyeyê (TÎP), Ciwantiya Şoreşger, Federasyona Meclisên Sosyalîst, Partiya Azadiya Civakî (TOP), Partiya Tevgera Kedkar (EHP), Partiya Kedkarên Sosyalîst (SEP) û Înîsiyatîfa Meclisên Sosyalîst (SMI) 27 kes hatin binçavkirin. Hat zanîn ku di nav kesên binçavkirî de nûçegihanê Gazete Patîkayê Alî Kadîr Guler jî heye.&nbsp;

	&nbsp;

	Hat zanîn ku kesên hatine binçavkirin, birin Midûriyeta Polîsan a Stenbolê ya li Fatîhê. Hat destnîşankirin ku kesên hatine girtin, yên di 1’ê Gulanê de ji Saraçhaneyê dixwestin ber bi Taksimê ve biçin û dijî barîkatên polîsan li ber xwe dane ne.&nbsp;

	&nbsp;

	Tê payîn ku dê karûbarên îfadeyê yên binçavkiriyan, îro li midûriyeta polîsan dest pê bike.&nbsp;

	&nbsp;