
Kar û barên dewr û tehsîsê yên qeyûmê Sertê hatin betalkirin

2024-05-17 14:38:57


	&nbsp;

	SÊRT - Meclisa Şaredariyê ya Sêrtê, hin biryarên têkildarî neguhêzbarên şaredariyê ku ji aliyê qeyûm ve tehsîsî fîrmaya AKP’î, qeymeqamtî û Ocaxa Ulkuyê hatine kirin, betal kirin.&nbsp;

	&nbsp;

	Şaredariya Sêrtê di civîna meha gulanê de hin rêze biryar girtin. Bi pêşniyaznameya endamên Partiya Wekhevî û Demokrasiyê ya Gelan (DEM Partî), peymanên dem dirêj ku dema qeyûm de bi fîrmayên AKP’î re hatine kirin hatin betalkirin.&nbsp;

	&nbsp;

	Biryarên tehsîskirina mala şînê ya li Taxa Kooperatîfan, li Ocaxên Ulkuyê, mala şînê ya li Taxa Ûlûsê ku aydê şaredariyê ye li Miftîtiya Bajêr û avahiya ku weke Navenda Piştevaniya Jinan a Berfîn dihate bikaranî bêbedel tehsîsî Yeşîlayê hatiye kirin hatin betalkirin.&nbsp;

	&nbsp;

	Meclisê, peymana bîlboardên bajêr ên bê îhalê ji bo 10 salan dane fîrmaya bi navê Şehîr Işiklari ya AKP’î jî betal kir.&nbsp;

	&nbsp;

	Rayedarên Şaredariyê bi lêkolîna ku kirin tespîtkirin ku bihayê negûhêzbarên di dema qeyûm de hatine dewrkirin nêzî 500 milyonan e.&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;