
Li dijî projeyên madenê yên li Dêrsimê banga ‘têkoşîna hevpar’ 

2024-05-16 15:13:43


	&nbsp;

	ÎZMÎR - Rêxistinên elewiyan diyar kirin ku bi 145 projeyên madenê re hewldan heye ku xwezaya Dêrsimê bê texrîbkirin û banga “têkoşîna hevpar” kirin.&nbsp;

	&nbsp;

	Rêxistinên elewiyan tevî Platforma Hawirdor û Çandê ya Egeyê (EGEÇEP) û Komeleya Mafên Mirovan (ÎHD), têkildarî projeyên madenan ên tê xwestin li Dêrsimê bikevin meriyetê, li avahiya Komeleya Çand û Piştevaniyê ya Dêrsimê ya Îzmîrê daxuyanî dan. Li ser navê saziyan metneke hevpar ji hêla Hevserokê Komeleya Çand û Piştevaniyê ya Dêrsimê Hasan Alî Kiliç ve hate xwendin. Kiliç, da zanîn ku ev demekî dirêje Dêrsim bi projeyên bendavan, şewatên daristanan û valakirina bi darê zorê ya gundan hedef tê girtin. Kiliç, diyar kir ku tê xwestin ku erdnîgariya Dêrsimê bi 145 projeyên kanên madenê re bê texrîbkirin.&nbsp;

	&nbsp;

	Bi domdarî Kiliç got ku tevahiya Çiyayê Munzurê weke qada madenê hatiye ragihandin û wiha bi dawî kir: “Dixwazin li vir texrîbateke mezin çêbikin. Xelkê gundên Sari Saltik, Alîbogazi û Dervî Cemal jî li dijî vê bertekê nîşan dide û li benda piştevaniyê ne. Bi sedan sala ye Dêrsim dorpêçkirî ye. Çavkaniyên binerd û sererd tên talankirin û xelkê wê neçarî xizaniyê tê kirin. Em li vir bang dikin û dibêjin dev ji projeyên madenê yên li Dêrsimê, birîn û şewitandina daristanan û projeyên bendavan berdin. Polîtîkayên şer jî rê li ber qirkirina ekolojiyê û xwezayê vedikin, xizanî û hejariyê kûrtir dike. Em dixwazin ev jî bên terikandin.”&nbsp;

	&nbsp;

	Rêvebera EGEÇEP’ê Derya Lîm jî li dijî qirkirina ekolojî û xwezayê ya ji Çiyayên Kazê heta Cûdî û Dêrsimê, banga têkoşîna hevpar kir. Sekreterê Giştî yê DAD’ê Asîl Benler jî ji ber qirkirina xweza û çandî ya li Dêrsimê hişyarî da.&nbsp;

	&nbsp;