
Bi rakirina kulubeya ewlehiyê dest bi peywirê kirin 

2024-04-06 12:29:53


	&nbsp;

	ŞIRNEX - Hevşaredarên Hezexê bi rakirina kulubeya "ewlehiyê" ya qeyûman danibûn li pêşiya deriyê şaredariyê, dest bi peywirê kirin.&nbsp;

	&nbsp;

	Partiya Wekhevî û Demokrasiyê ya Gelan (DEM Parti) di hilbijartinên 31’ê Adarê de Şaredariya navçeya Hezexê bi rêjeya ji sedî 71,27'an bi dest xist. Hevşaredar Dogan Adibellî û Turkan Kayir dest bi peywirê kirin.

	&nbsp;

	Hevşaredarên DEM Partiyî kulubeya "ewlehîyê" ya ku di dema qeyûman de di têketina şaredariyê de hatibû bicihkirin, bi meşîneyên kar dane rakirin.

	&nbsp;

	Hevşaredarê navçeyê Dogan Adîbellî bi ser hesaba xwe ya medya dijîtal rakirina kulubeyê parve kir û wiha got: “Me kulubeya ewlehiyê ya di dema qeyûman de li ber deriyê şaredariya me hatibû danîn, rakir. Şaredarî mala gelê me ye û gelê me her dem dikare têkevê."

	&nbsp;