
Tanal ê CHP’î: AKP’ê li Hîlwanê li dijî DEM Partiyê winda kiriye

2024-04-05 15:00:39


	&nbsp;

	RIHA - Parlamenterê CHP’ê Mahmût Tanal bertek nîşanî biryara nûkirina hilbijartinan a li Curnê Reş da û wiha got: “AKP’ê li Hîlwanê li dijî DEM Partiyê Şaredariya Hîlwanê winda kir.”

	&nbsp;

	Li navçeya Curnê Reş a Rihayê Partiya Wekhevî û Demokrasiyê ya Gelan (DEM Partî) şaredarî bi dest xist. Lê bi îtîraza AKP’ê biryara nûkirina hilbijartinê hate dayîn. Parlamenterê Partiya Gel a Komarê (CHP) yê Rihayê Mahmût Tanal, bertek nîşanî biryarê da.&nbsp;

	&nbsp;

	Tanal ê li ser hesaba xwe ya medyaya dîjîtal daxuyaniya nivîskî weşand, têkildarî biryara ku Lijneya Hilbijartinê ya Navçeyê bi hinceta şewitandina kîsên aydê sindoqan û girtekên hilbijartinê wergirt wiha got: “Ev bûyer bi armanca ku hilbijartin were betalkirin ji bo delîlan biafirînin hate kirin.”

	&nbsp;

	‘DIVÊ LÊPIRSÎN WERE DESTPÊKIRIN’&nbsp;

	&nbsp;

	Tanal, bi gotinên “Ev çalakî bi organîzeyî ye, plankirî ye, birêxistine, sûcekî ku armanca wî diyar e” bertek nîşan da. Tanal, di berdewamiya daxuyaniya xwe de wiha got: “AKP’ê li Hîlwanê li dijî DEM Partiyê Şaredariya Hîlwanê winda kir. Aşkereye ku şewitandina pisûlayan û dengan bi kêrî kê tê. Divê derbarê van kesên li Hîlwanê polîs derbkirin û ji bo ku hilbijartin were betalkirin deng şewitandin demildest lêpirsîneke berfireh û bibandore were destpêkirin.”&nbsp;

	&nbsp;

	&nbsp;

	&nbsp;

	&nbsp;