
Li Wanê li dijî darbeya hilbijartinê bi deh hezaran kes li ber xwe didin

2024-04-03 11:31:55


	WAN –&nbsp;Li Wanê deh hezaran kesên li dijî xespa vînê ya desthilatê her kolan veguherandin qada berxwedanê, peyam dan ku heta dest ji biryarê neyê berdan dê çalakiyên xwe bidomînin.&nbsp;

	&nbsp;

	Bertekên li dijî nedayîna mazbataya Hevşaredarê Bajarê Mezin a Wanê Abdullah Zeydan ku ji Partiya Wekhevî û Demokrasiyê ya Gelan (DEM Partî) hatibû hilbijartin, her ku diçe zêdetir bibin. Esnafên bajar îro derabeyên dikanên xwe venekirin û li 7 noqteyên bajar meş dest pê kirin. Bi sedan kesan gelek caran dirûşmên “Abdullah Zeydan rûmeta me ye” berz kirin.&nbsp;

	&nbsp;

	Li hinek noqteyan polîsan êrişî girseyê kirin. Li ser vê yekê welatiyan berîqet danîn. Hinek welatî jî heta Cadeya Cumhuriyetê ya di dorpêçê de meşiyan. Polîsan bi bombeyên gazê û ava şid êrişî girseyê kirin. Berxwedana li dijî êrişan didome û ji gelek aliyan ve gel ber bi Cadeya Cumhuriyetê ve diherike.&nbsp;

	&nbsp;

	Lijneya Rêveberiya Navendî (MYK) ya DEM Partiyê civîna xwe li Wanê li dar xist. Civîn bi serokatiya Hevserokên Giştî yên DEM Partiyê Tulay Hatîmogûllari û Tuncer Bakirhan ve hate lidarxistin. Piştî civînê jî meş hat lidarxistin.&nbsp;

	&nbsp;

	Hevserokê Giştî yê Partiya Herêmên Demokratîk (DBP) Keskîn Bayindir, Hevserokên Giştî yên DEM Partiyê Tulay Hatîmogûllari û Tuncer Bakirhan, Serokwekîla Koma DEM Partiyê Gulistan Kiliç Koçyîgît, Berdevka Meclisa Jinan a DEM Partiyê Halîde Turkoglû, Hevberdevka Meclisa Ciwanan a DEM Partiyê Edanûr Îbrahîmoglû, Hevşaredarên Bajarê Mezin a Wanê Neslîhan Şedal û Abdullah Zeydan, siyasetmedara kurd Leyla Zana, Başak Demîrtaş, Parlamenterê CHP’ê Sezgîn Tanrikulu û şandeya CHP’ê, Hevserokê SYKP’ê Mercan Tîtîz, Serokê EHP’ê Hakan Ozturk, Serokê TÎP'ê Erkan Baş, parlamenter, endamên MYK’ê, siyasetmedar, nûnerên rêxistinên civaka sivîl û gelek welatî li pêşiya Perîhan AVM’ê hatin gel hev û ji bo daxuyaniyê ber bi Parka Feqiyê Teyran ve meşiyan.&nbsp;

	&nbsp;

	Piştî meşê gelek siyasetmedar axivîn. Di dema axaftinan de her tim “Abdullah Zeydan rûmeta me ye”, “Em ê bi berxwedanê serbikevin” û “Heq hiqûq edalet” hatin berzkirin.&nbsp;

	&nbsp;

	&nbsp;

	

	&nbsp;

	&nbsp;

	

	&nbsp;

	

	&nbsp;