
Li dijî sosyalîstan operasyon: Lingê kurê serokê sendîkayê şikest

2024-03-09 10:00:45


	&nbsp;

	STENBOL - Li Stenbol û Eskîşehîrê di serdegirtinên malan ên saetên serê sibê de Hevserokê SDGF’ê Onûr Danaci û Serokê Giştî yê Lîmter-Îş’ê Kanber Saygili jî di nav de gelek kes hatin binçavkirin.&nbsp;

	&nbsp;

	Li dijî endam û rêveberên Partiya Sosyalîst a Bindestan (ESP) û Federasyona Komeleyên Ciwanên Sosyalîst (SGDF) li Stenbol û Eskîşehîrê operasyon hate lidarxistin.&nbsp;

	&nbsp;

	Di serdegirtinên malan ên saetên serê sibê de Hevserokê SDGF’ê Onûr Danaci, endamên MYK’a SDGF’ê Senem Pektaş, Hîvda Selen, Berfîn Polat, Adnan Ozcan, Emrah Topaloglû, Huseyîn Îldan û Serokê Giştî yê Lîmter Îş’ê ya girêdayî DÎSK’ê Kanber Saygili hatin binçavkirin.&nbsp;

	&nbsp;

	Di operasyonê de rêveberê Partiya Wekhevî û Demokrasiyê ya Gelan (DEM Partî) Omer Akgun jî hate binçavkirin.&nbsp;

	&nbsp;

	BI SER MALA ROJNAMEVANAN DE JÎ GIRTIN&nbsp;

	&nbsp;

	Polîsan bi ser mala xebatkarên Ajansa Nûçeyan a Etkîn (ETHA) de jî girtin û deriyên mala wan şikandin. Di serdegirtina ji bo kesekî ku îkameta wî ne li malê hatin kirin de kes nehate binçavkirin.&nbsp;

	&nbsp;

	ÎŞKENCE LI SEROKÊ LÎMTER-ÎŞ’Ê Û KURÊ WÎ KIRIN&nbsp;

	&nbsp;

	Di serdegirtina mala Serokê Giştî yê Lîmter Îş’ê Kanber Saygili jî hem li Saygili hem jî li kurê wî îşkence hate kirin. Saygili û kurê wî Ekîn Saygili yên bertek nîşanî polîsên ku li benda vekirina derî neman û derî şikandin dan, rastî êrişa polîsan hatin û bi dirêjkirina erdî re hatin derbkirin. Saygili yê xwest îşkenceya li dijî kurê xwe asteng bike, ji aliyê polîsan ve bi erdê re hate kaşkirin û birin mutbexê.&nbsp;

	&nbsp;

	Li gorî nûçeya ETHA’yê derbas kiriye, di encama îşkenceyê lingê Saygili hatiye şikandin.&nbsp;

	&nbsp;

	&nbsp;