
Di doza cerdevanan de biryara ‘anîna bi darê zorê' hat dayîn 

2024-03-04 14:14:42


	&nbsp;

	ŞIRNEX - Di doza S. A. ya de ku li Qilebanê cerdevanan destdirêjî lê kiribû û bi darê zorê fihûş pê dabûn kirin, ji bo 2 kesan biryara "anîna bi darê zorê" hate dayîn. &nbsp;

	&nbsp;

	Li bajarokê Dêra Hênê ya navçeya Qileban a Şirnexê cerdevanan ji 7 saliyê ve bi awayekî sîstematîk destdirêjî li S. A. ya 17 salî kiribûn û bi darê zorê fihûş pê dabûn kirin. Têkildarî bûyerê doz li jinbava S.A.'yê û cerdevanekî hatibû vekirin. Her du kes jî bi sûcê “destdirêjiya sîstematîk" û "sewqî fhûşê kirin” tên darizandin û 2'yemîn danişîna dozê li 3'yemîn Dadgeha Cezayên Giran a Şirnexê hat lidarxistin.&nbsp;

	&nbsp;

	Cerdewanê girtî Cengîz Aydemîr ê ku parastvaniya Şaredarê AKP’ê yê Dêra Hênê Cemîl Yildiz dikir, cerdewanê teqawid Samî Yildiz û jinbava zarokê Bêrîvan Aydemîr bi rêya Pergala Deng û Dîmen (SEGBÎS) tev li dozê bûn. Metehan Bayram û Zahîde Yildirim ku bi awayekî negirtî dihatin darizandin jî tev li danişînê nebûn. &nbsp;

	&nbsp;

	PARASTINA ‘BÊBEXTIYÊ’

	&nbsp;

	Piştî tespîtkirina nasnameyan, Bêrîvan Aydemîr dest bi parastina xwe kir. Aydemîr îdia kir ku bêsûc e û xwest bê berdan. Cengîz Aydemîr jî parastina xwe nivîskî kir, parastina xwe ya berê dubare kir û zarok S.A. sûcdar kir. Aydemîr, îdia kir ku "bêbextî" lê hatiye kirin û xwest bê berdan.&nbsp;

	&nbsp;

	Parêzerê Samî Yildiz jî diyar kir ku di nava parastina S.A’yê de nakokî heye û wiha berdewam kir: “Ji bo çi beyanên kesa mexdûr esas tê girtin? Wekîlê min karê fermî dimeşîne, ji bo hîn bêhtir mexdûr nebe ez berdana wî daxwaz dikim.”

	&nbsp;

	Dozger xwest ku rewşa girtî ya bersûcan bidome.

	&nbsp;

	‘LI SER BÛYERÊ TÊ GIRTIN’

	&nbsp;

	Parêzgerê S.A yê Hidir Tong jî diyar ku tev li mutaalayê dibe û wiha domand: “Li gorî nêrîna min ku kesên girtî bên berdan dê delîlên li ser bûyerê bên reşkirin. Ji ber ku gelek bûyerên bi vî rengî li vê herêmê qewimî ne û kesên ku negirtî hatine darizandin delîlên li ser bûyeran reş dikin."

	&nbsp;

	BIRYARA 'ANÎNA BI DARÊ ZORÊ'

	&nbsp;

	Şandeya dadgehê biryar da ku rewşa girtî ya 3 kesan berdewam bike û ji bo Zahîde Yildirim û metehan Bayram ên negirtî tên darizandin jî biryara "anîna bi darê zorê" da û danişîna dozê taloqî 18'ê adarê kir.&nbsp;