
Li Esenyurtê mitînga ‘Azadî û Demokasiyê’ hat lidarxistin 

2024-02-25 14:44:54


	STENBOL - DEM Partiyê li Esenyurtê bi tevlibûna bi deh hezaran kesan mitînga “Azadî û Demokrasiyê” li dar xist.&nbsp;

	Rêxistina Partiya Wekhevî û Demokrasiyê ya Gelan (DEM Partî) ya Stenbolê bi mebesta piştevaniya bi “Meşa Mezin a Azadiyê” ku bi daxwaza azadiya fîzîkî ya Rêberê PKK’ê Abdullah Ocalan ê li Girtîgeha Tîpa F a bi Ewlekariya Bilind a Îmraliyê di nava şert û mercên giran ên tecrîdê de tê ragirtin û zêdetirî 36 meh in tu agahî jê nayên girtin û çareserkirina pirsgirêka kurd a bi rêyên demokratîk hatibû lidarxistin, li Esenyurt a Stenbolê “Mitînga Azadî û Demokrasiyê” li dar xist. Bi deh hezaran kes tev li mitîngê bûn. Li qada mitîngê cih nema. Li qada mitîngê gelek caran dirûşmên “Jin, jiyan, azadî”, “Bijî berxwedana zindanan" û “Bijî Serok Apo” olan da.&nbsp;

	&nbsp;

	BERNAMEYA MITÎNGÊ

	&nbsp;

	Ji ewil dayikên di çalakiya Nobeta Edaletê de cih digirin û siyasetmedar û nûnerên rêxistinên civaka sivîl ên di “Meşa Mezin a Azadiyê” de cih girtin derketin ser dikê û girse silav kirin. Piştre jî namzetên hevşaredariyê yên DEM Partiyê yên Bajarê Mezin a Stenbolê Meral Daniş Beştaş û Mûrat Çepnî derketin ser dikê û girse silav kirin.&nbsp;

	&nbsp;

	BERTEK NÎŞANÎ CPT’YÊ DA

	&nbsp;

	Ji TUHAD-FED’ê Emîne Kaya ku di baskê “Meşa Mezin a Azadiyê” yê Wanê de cih girtibû bal kişand ser serdana CPT’yê ya Tirkiyeyê. Kaya, wiha got: “Weke ku hûn jî dizanin CPT hate Tirkiyeyê lê neçû serdana Îmraliyê. Em ji CPT ya ku îdia dike daxwazên gelan esas digire re dibêjin; gelo hûn ê daxwazên vî gelî bicih bînin? Gelê me azadiya fîzîkî ya birêz Ocalan dixwaze. Divê ji vê xeletiya xwe vegerin. Lewma divê CPT bi rola xwe rabe.”&nbsp;

	&nbsp;

	Piştî axaftinan, ji hunermendên Navenda Çanda Mezopotamyayê (NÇM) Arhat derket ser dikê. Mitîng, bi gerandina govendê bi dawî bû.&nbsp;

	&nbsp;

	

	&nbsp;