Danişîna Ceylan û Alokmen hat taloqkirin 

2024-02-22 12:18:57


	 

	AMED - Danişîna doza Hevserokên HDP’ê yên Amedê yên berê Hulya Alokmen û Zeyyat Ceylan hate taloqkirin. 

	 

	Danişîna doza Hevserokên Partiya Demokratîk a Gelan (HDP) a Amedê yên berê Hulya Alokmen û Zeyyat Ceylan ku bi îdiayên “Endamtiya rêxistinê” û “propagandaya rêxistinê” tên darizandin, li 5’emîn Dadgeha Cezayên Giran a Amedê hat lidarxistin. Alokmen û Ceylan tev li danişînê nebûn lê parêzerên wan amade bûn. 

	 

	Di danişînê de hat diyarkirin ku îdianameya bi daxwaza yekkirina dozên Alokmen hatiye amadekirin nehatiye pêşkeşkirin. Dozger û parêzaran xwestin ku îdianameya nû were pêşkeşkirin û kêmasiyên di dosyayê bên temamkirin. 

	 

	Dadgehê daxwaz qebûl kir û danişîn taloqî 16’ê gulanê kir.