
Walîtiya Dêrsimê ketina Erzînganê qedexe kir: 4 kes hatin binçavkirin

2024-02-14 12:27:52


	&nbsp;

	
		DÊRSIM - Walîtiya Dêrsimê piştî hezaza li madena zêr a li Erzînganê çêbû, derketina endamên DEM Partî, ESP û Komeleya Hawirdorê ya Dêrsimê ya ji bajar qedexe kir û endam û rêveberên ÎHD’ê jî hatin binçavkirin.&nbsp;
	
		&nbsp;
	
		Duh li madena zêr a navçeya Îlîç a Erzînganê hezaz çêbû. Endam û rêveberên Partiya Wekhevî û Demokrasiyê ya Gelan (DEM Partî), Partiya Sosyalîst a Bindestan (ESP) û Komeleya Hawirdorê ya Dêrsimê xwestin biçin cihê bûyerê. Lê belê Walîtiya Dêrsimê derketina wan a ji bajar qedexe kir. 4 endamên Komeleya Mafên Mirovan (ÎHD) ên dixwestin biçin Erzînganê jî hatin binçavkirin.&nbsp;
	
		&nbsp;
	
		Hevserokê DEM Partiyê yê Dêrsimê Ozcan Gurtaş têkildarî mijarê agahî da û wiha got: “Em li derketina bajar hatin sekinandin. Biryara qedexeya ketin û derketina bajar a Erzînganê weke hincet nîşan dan.Gotin ku dê destûrê nedin tu kes biçe Îlîçê. Di derketina Dêrsimê de û di ketina Erzînganê de biryarên walîtiyên Dêrsim û Erzînganê weke hincet nîşan dan. Gotin ku heke hûn ji bo çûnê israr bikin dê mudaxile bikin.”&nbsp;
	
		&nbsp;
	
		ESP’iyên ber bi Erzînganê ve ketin rê li ser Pira Mutiyê û endamên Komeleya Hawirdorê ya Munzurê jî di ketina navçeya Pilemûriyeyê de hatin sekinandin. Cendirmeyan biryara walîtiya Erzînganê nîşan dan û wiha ji şandeya ESP’ê re gotin: “Plakaya we hate dayîn, hûn nikarin bikevin bajar.”&nbsp;
	
		&nbsp;
	
		Piştî hevdîtinan jî destûr hate dayîn ku şandeya ESP’ê bikeve bajar. Endamên Komeleya Hawirdorê ya Munzurê jî li benda destûrê en.&nbsp;
	
		&nbsp;
	
		HEVSEROKÊN ÎHD’Ê HATIN BINÇAVKIRIN
	
		&nbsp;
	
		Hevserokên Şaxa ÎHD’a Dêrsimê Gurbuz Solmaz û Gonul Sonbahar û endamên komeleyê Nilûfer Akdag û Gokmen Yeşîl ku dixwestin li herêmê lêkolînê bikin jî hatin binçavkirin. Komeleyê bi daxuyaniyekê xwest ku endam û rêveberên wan tavilê bên berdan û biryara qedexeya ketina navçeya Îlîçê tavilê bê rakirin.&nbsp;
	
		&nbsp;


	&nbsp;