
Li Geverê ajokarên servîsan kontak girtin: Bi hezaran xwendekaran mexdûr bûn 

2024-02-13 14:49:16


	&nbsp;

	COLEMÊRG - Ajokarên servîsên dibistanan li Geverê ji ber ku heqdestê xwe wernagirin kontak girtin. Bi hezaran xwendekar mexdûr bûn.&nbsp;

	&nbsp;

	Ajokarên servîsên xwendekaran ên Gever a Colemêrgê bi sedema ku fîrma heqdestê wan nadin, di 5’ê sibatê de kontak girtin. Li navenda Geverê, 22 gund û gelek mezrayên wê bi hezaran xwendekar ji ber vê rewşê mexdûr bûn. Serlêdanên ji bo saziyên têkildar jî bêencam man. Ajokarên kontak girtin jî gotin ku mexdûr bûne.&nbsp;

	&nbsp;

	Hat zanîn ku heta heqdest neyên dayîn dê ajokar kontakan venekin. Hinek ajokar dibêjin ku pereyê nehatiye dayîn li bankayên cuda ji bo faîzê hatin razandin.&nbsp;

	&nbsp;

	DEM PARTIYÊ PÊŞNÛMEPIRS DA MECLISÊ&nbsp;

	&nbsp;

	Parlamentera DEM Partiyê ya Colemêrgê Oznûr Bartin mijara behsa xeberê xist rojeva Meclisê û bi daxwaza ku Wezîrê Perwerdeya Neteweyî Yûsûf Tekîn bibersivîne pêşnûmepirs da Meclisê. Di pêşnûmepirsê de ev pirs kir:&nbsp;

	&nbsp;

	"*Gelo wezareta we jê haydar e ku ajokarên servîsên dibistinan ji ber ku fîrmaya pê re dixebitin heqê wan nade kontak girtine?&nbsp;

	&nbsp;

	* Sedema nedayîna heqdestê ajokarên servîsan çi ye?&nbsp;

	&nbsp;

	* Gelo rast e ku ajokarên vî karî dikin gelek caran vê pirsgirêkê dijîn?&nbsp;

	&nbsp;

	* Ji ber nedayîna heqê ajokaran gelo heta niha ti zext li fîrmayan hatiye kirin?&nbsp;

	&nbsp;

	* Ji bo ev rewşa ku nêzî 2 hezar û 100 xwendekar mexdûr kirî gelo tu hewldanên we hene?&nbsp;

	&nbsp;

	* Sedema neçareserkirina pirsgirêkê ya Midûriyeta Perwerdeyê ya Neteweyî ya Navçeyê, qeymeqamtî û walîtiyê çi ye?”&nbsp;

	&nbsp;