
Ji polîsê Hantaş kuşt re ji ‘qusûra bizanebûn’ daxwaza ceza 

2024-02-06 15:34:39


	AMED - Polîs Kazim Bozkûrt ê Recep Hantaş ê karton berhev dikir kuştibû ji sûcê “Kuştina bi qestî” beraet kiribû û biryara beraetê ji aliyê Îstînafê ve hate xerakirin. Ji polîs Kûrt ê jinûve tê darizandin re ji sûcê “qusûra bizanebûn bû sedemê mirinê” heta 6 salan cezayê hefsê hate xwestin.&nbsp;

	&nbsp;

	Li Sumerparkê navçeya Bajarê Nû ya Amedê di 14’ê nîsana 2019’an de polîsan êrişî Recep Hantaş (20) ê ku kartonan berhev dikir kirin û ew bi guleyê kuştin. Danişîna biryarê ya doza der barê kuştina Hantaş de hatibû vekirin, di 21’ê hezîrana 2022’yan de hatibû lidarxistin. Di danişîna doza ku li 4’emîn Dadgeha Cezayê Giran a Amedê hat lidarxistin de, ji sûcê “kuştinek muhtemel a bi qestî” heta 25 salan ji polîs Kazim Bozkurt re dihat xwestin. Lê dadgehê der barê polîs de ji ber “delîlên kêm” biryara beraetê da.&nbsp;

	&nbsp;

	Parêzerên malbata Hantaş, biryara beraetê ku der barê polîsê bersûc de hat dayîn, serî li Dadgeha Edliyeya Herêma Amedê (Dadgeha Îstînafê) dan û îtîrazî biryarê kirin. Dadgeha Îstînafê îtîrazê nirxand û biryara beraetê ku hatiye dayîn xera kir. Danişîna bi biryara xerakirinê ve jinûve tê lidarxistin, li 7’emîn Dadgeha Cezayê giran a Amedê dest pê kir. Di danişîna bersûc Bozkûrt bi SEGBÎS’ê tev li bû de parêzerê wî Mûstafa Demîr û parêzerê malbata Hantaş Mehmet Oner amade bûn.&nbsp;

	&nbsp;

	ŞIBAND BIRYARA ATALAY A AYM’Ê&nbsp;

	&nbsp;

	Polîsê bersûc Bozkûrt diyar kir ku tiştekî ku îfadeyên xwe yên beriya niha zêde bike nîne û daxwaza beraeta xwe kir. Parêzerê bersûc Mûstafa Demîr jî bêyî ku nav bide biryara dadgeha îstînafê şiband biryara AYM’ê ya Can Atalay û îma kir ku îstînafê rayeya dadgeha herêmî derbas kiriye û ketiye sînorê rayeyê yê dadgehê. Demîr, daxwaza beraeta muwekîlê xwe kir.&nbsp;

	&nbsp;

	DOZGER JI QUSÛRA BIZANEBÛN CEZA XWEST

	&nbsp;

	Dozgerê mutalaya xwe pêşkeşî dadgehê kir, diyar kir ku dema pêkhatina bûyerê li ber çavan girtin polîsî sûcê qûsûra bizanebûn kiriye û xwest ku bersûc ji sûcê “bi qusûra bizanebûn bûye sedemê mirinê” were cezakirin.&nbsp;

	&nbsp;

	XWEST KU JI KUŞTINA BI QESTÎ WERE CEZAKIRIN&nbsp;

	&nbsp;

	Parêzerê malbata Hantaş, Mehmet Oner anî ziman ku mutalaya dozger qebûl nakin û destnîşan kir ku ji ber pêkhatina bûyerê û guleya bi patika maktul ketiye û xwest bersûc ji sûcê “kuştina bi qestî” were cezakirin.&nbsp;

	&nbsp;

	Dadgeha daxwaza dema zêde ya ji bo parastinê ya parêzerê bersûc qebûl kir, danişîn taloqî 21’ê gulanê kir.&nbsp;

	&nbsp;

	&nbsp;