
Rojnameger Kanbal ku ji ber wêneyên parve nekirî dihat darizandin beraet kir 

2024-02-01 10:41:35


	&nbsp;

	MÊRDÎN - Rojnameger Ahmet Kanbal ku ji ber wêneyên parve nekiribû dihat darizandin, ji dozê beraet kir.&nbsp;

	&nbsp;

	Derheqê nûçegihanê Ajansa Mezopotamyayê (MA) Ahmet Kanbal de ji ber wêneyê ku li ser hesaba xwe ya X’ê parve nekirî, bi îdiaya “propagandaya rêxistinê” doz hatibû vekirin. Danişîna duyemîn a dozê li 2’yemîn Dadgeha Cezayên Giran a Mêrdînê hat lidarxistin. Rojnameger Kanbal û parêzerê wî Erdal Kuzu tev li danişînê bûn. Danişîn bi tespîtkirina nasnameyan dest pê kir. Di danişînê de dozger mutalaaya xwe pêşkeşî dadgehê kir.&nbsp;

	&nbsp;

	DOZGER BERAET XWEST&nbsp;

	&nbsp;

	Di mutalaayê de dozger got ku hêmayên sûcê tê îdiakirin çênebûne û xwest Kanbal bê beraetkirin.&nbsp;

	&nbsp;

	Kanbal û parêzerê wî Kuzu jî di parastinên xwe de diyar kirin ku îdianame ji ber xebatên rojnamegeriyê hatiye amadekirin û daxwaza beraetê kirin.&nbsp;

	&nbsp;

	Dadgehê jî ji bo Kanbal biryara beraetê da.&nbsp;

	&nbsp;