Ji ber berfê li Erziromê rêya 517 gundan hate girtin  

2024-01-28 11:51:06


	 

	ERZIROM - Ji ber berfa zêde û bagerê li Erziromê rêyên 517 gundan hatin girtin. 

	 

	Li Erziromê ev du roj in bênavber berfi dibare û bandoreke neyînî li ser jiyana gel dike. Li navçeyên bajar rêya 517 gundan hatin girtin. Li gorî agahiyan; li navçeya Qerecobanê rêya 172 gundan, li Qereyaziyê rêya 147 gundan, li Tatosê rêyên 116 gundan, li Çatê rêyên 82 gundan û li herêma Ovacik a girêdayî navçeya Êspîrê jî rêyên gelek gundan hatin girtin. 

	 

	AXÛR TEBIQΠ

	 

	Di heman demê de li gundê Burnaz ê Qereçobanê axûra welatiyekî ji ber berfê tebiqî û mî yek mir. 43 mî jî bi alîkariya şêniyên gund hatin xelaskirin. Ji ber bager û bahozê li ser rêyên gundên ji rêyên sereke dûr tu xebat nayên kirin.